ரூ.5,947 கோடி முதலீட்டில் மேட்டூரில் புனல் மின் நிலையம் அமைக்கிறது கிரீன்கோ நிறுவனம்
செய்தி முன்னோட்டம்
சேலம் மாவட்டம் மேட்டூரில் ரூ.5,947 கோடி மதிப்பில் நீரேற்று புனல் மின் நிலையம் அமைப்பதற்கான பூர்வாங்க வங்கிகளை கீரீன்கோ எனெர்ஜிஸ் நிறுவனம் தொடங்கியுள்ளது.
முன்னதாக, சென்னையில் கடந்த ஆகஸ்ட் 21 அன்று நடந்த தமிழ்நாடு முதலீட்டார்கள் மாநாட்டில் ரூ.20,114 கோடியில் மூன்று புனல் மின் நிலையங்களை அமைக்க கிரீன்கோ எனெர்ஜிஸ் நிறுவனம் தமிழக அரசுடன் புரிந்துணர்வு ஒப்பந்தத்தில் கையெழுத்திட்டது.
முதல்வர் மு.க.ஸ்டாலின் முன்னிலையில் மேற்கொள்ளப்பட்ட இந்த ஒப்பந்தம் மூலம், 1,500 பேருக்கு வேலைவாய்ப்பு உருவாகும் என அப்போது தெரிவிக்கப்பட்டிருந்தது.
இந்நிலையில், முதற்கட்டமாக அந்த நிறுவனம் சேலம் மேட்டூரில் ரூ.5,947 கோடியில் மூடப்பட்ட நீரேற்று புனல் மின் நிலையம் அமைப்பதற்கான பணிகளைத் தொடங்கியுள்ளது.
விண்ணப்பம்
கட்டுமானப் பணிகளுக்கு விண்ணப்பம்
மேட்டூரில் பாலமலை மற்றும் நவிப்பட்டி ஆகிய கிராமங்களை ஒட்டி கிரீன்கோ நிறுவனத்தால் இந்த புனல் மின் நிலையம் அமைக்கப்பட உள்ளது.
கிரீன்கோ நிறுவனம் இங்கு புனல் மின் நிலையத்திற்கான கட்டுமானப் பணிகளுக்கு சுற்றுச்சூழல் அனுமதியை வேண்டி தமிழ்நாடு சுற்றுச்சூழல் தாக்க மதிப்பீட்டு ஆணையத்திடம் விண்ணப்பத்தைத் தாக்கல் செய்துள்ளது.
காலநிலை மாற்றம் உள்ளிட்ட பல்வேறு சுற்றுச்சூழல் சிக்கல்கள் உள்ள நிலையில், புதுப்பிக்கத்தக்க எரிசக்தித் துறை மிக முக்கியமாக பார்க்கப்படுகிறது.
இந்நிலையில், அந்த துறையில் இந்தியாவின் முன்னணி நிறுவனங்களில் ஒன்றாக விளங்கும் கிரீன்கோ எனெர்ஜிஸ் நிறுவனம் தமிழகத்தில் முதலீடு செய்துள்ளது தமிழக அரசு இந்த துறைக்கு கொடுக்கும் முக்கியத்துவத்தின் ஒரு அங்கமாக பார்க்கப்படுகிறது.
ட்விட்டர் அஞ்சல்
மேட்டூரில் வருகிறது புதிய புனல் மின் நிலையம்
#BREAKING | மேட்டூரில் ₹5,947 கோடியில் புனல் மின் நிலையம் அமைக்கிறது க்ரீன்கோ நிறுவனம்!#SunNews | #CMMKStalin | #Greenko | #PumpedStorageProject | @mkstalin | @TRBRajaa pic.twitter.com/lBjRsLJ5pl
— Sun News (@sunnewstamil) September 2, 2024