17,082 கோடி மதிப்பிலான செறிவூட்டப்பட்ட அரிசிக்கான திட்டத்திற்கு மத்திய அரசு ஒப்புதல்
பிரதான் மந்திரி கரிப் கல்யாண் அன்ன யோஜனா (PMGKAY) மற்றும் பிற நலத்திட்டங்கள் உட்பட அரசின் அனைத்துத் திட்டங்களின் கீழும் செறிவூட்டப்பட்ட அரிசியை அனைவருக்கும் ஜூலை முதல் வழங்குவதற்கு பிரதமர் நரேந்திர மோடி தலைமையிலான மத்திய அமைச்சரவை புதன்கிழமை ஒப்புதல் அளித்தது. இத்திட்டத்தின் மூலம், இந்தாண்டு துவங்கி, டிசம்பர் 2028 வரை இத்திட்டம் நடைமுறையில் இருக்கும். இத்திட்டத்திற்கான 100 சதவீத நிதியை மத்திய அரசு வழங்கும், மொத்தம் ரூ.17,082 கோடி.
பட்ஜெட் கூட்டத்தொடரில் முன்மொழியப்பட்ட திட்டம்
2019 மற்றும் 2021 க்கு இடையில் நடத்தப்பட்ட தேசிய குடும்ப சுகாதார ஆய்வின் (NFHS-5) படி, இரத்த சோகை இந்தியாவில் ஒரு பரவலான பிரச்சினையாக உள்ளது. இது குழந்தைகள், பெண்கள் மற்றும் ஆண்களை பல்வேறு வயது மற்றும் வருமான நிலைகளில் பாதிக்கிறது. இரும்புச்சத்து குறைபாடு தவிர, வைட்டமின் பி12 மற்றும் ஃபோலிக் அமிலம் போன்ற பிற வைட்டமின் மற்றும் தாதுக் குறைபாடுகளும் நீடித்து, மக்களின் ஒட்டுமொத்த ஆரோக்கியம் மற்றும் உற்பத்தித்திறனை பாதிக்கிறது. இவற்றை ஈடுசெய்ய மக்களுக்கு செறிவூட்டப்பட்ட அரிசியை வழங்க மத்திய அரசு திட்டத்தினை முன்மொழிந்தது.
எதற்காக செறிவூட்டப்பட்ட அரிசி?
பாதிக்கப்படக்கூடிய மக்களில் இரத்த சோகை மற்றும் நுண்ணூட்டச் சத்து குறைபாட்டை நிவர்த்தி செய்வதற்கான பாதுகாப்பான மற்றும் பயனுள்ள நடவடிக்கையாக உலகளவில் உணவு வலுவூட்டல் பயன்படுத்தப்படுகிறது. இந்திய சூழலில் 65% மக்கள் அரிசியை பிரதான உணவாக உட்கொள்வதால், அரிசியானது நுண்ணூட்டச்சத்துக்களை வழங்குவதற்கான சிறந்த மாற்றாகும். நெல் செறிவூட்டலில் FSSAI பரிந்துரைத்த தரங்களின்படி நுண்ணூட்டச் சத்துக்களால் (இரும்பு, ஃபோலிக் அமிலம், வைட்டமின் பி 12) செறிவூட்டப்பட்ட அரிசி கர்னல்களை (FRK) வழக்கமான அரிசியுடன் (Custom Milled Rice) சேர்ப்பது அடங்கும்.
