வணிக பயன்பாட்டிற்கான சமையல் எரிவாயு விலை இன்று மீண்டும் குறைந்தது
வணிக பயன்பாட்டிற்கான சமையல் எரிவாயுவின் விலை 30.50ரூபாய் குறைக்கப்பட்டுள்ளது. முன்னதாக 1960/- ரூபாய்க்கு விற்பனை செய்யப்பட்டு வந்த 19 கிலோ எடை கொண்ட சிலிண்டர் விலை, தற்போது ரூ.1930 ரூபாயாக குறைக்கப்பட்டுள்ளது. சர்வதேச சந்தையில் கச்சா எண்ணெய் நிலவரத்தின்படி கடந்த பிப்ரவரி மாதம் முதல் நாள் கடைகளில் பயன்படுத்தப்படும் வணிக பயன்பட்டுக்கான சிலிண்டர் விலை ரூ.12.50 அதிகரிக்கப்பட்டது. இந்த நிலையில் தற்போது இந்த விலையானது குறைந்துள்ளது. எனினும், வீட்டு சமையல் எரிவாயு விலையில் மாற்றமில்லை. வீட்டு உபயோக சிலிண்டர் ரூ. 818.50க்கு விற்பனை செய்யப்படுகிறது. ஏற்கனவே மகளிர் தினத்தை முன்னிட்டு, வீட்டு உபயோக சிலிண்டரின் விலை, 100 ரூபாய் குறைக்கப்பட்டது நினைவிருக்கலாம்.