புதிய வாகனத்தை உருவாக்கி வரும் ஃபோக்ஸ்வாகன்.. இந்தியாவிற்கான திட்டம் என்ன?
சர்வதேச சந்தையில் வெளியிடுவதற்கு 3 வரிசை சீட்கள் கொண்ட புதிய கார் ஒன்றை ஃபோக்ஸ்வாகன் நிறுவனம் உருவாக்கி வருவதாகத் தகவல் வெளியாகியிருக்கிறது. டேரான் என்ற பெயரில் MQB-A2 பிளாட்ஃபார்மில் இந்த புதிய மாடலை உருவாக்கி வருகிறது ஃபோக்ஸ்வாகன். அடுத்த தலைமுறை ஸ்கோடா கோடியாக்கும் இந்த பிளாட்ஃபார்மில் தான் தயாரிக்கப்படவிருக்கிறது. 2020-ல் இந்தியாவில் விற்பனையில் இருந்து டிகுவான் ஆல்ஸ்பேஸ் மாடலுக்கு மாற்றாக இந்த புதிய காரை உருவாக்கி வருகிறது ஃபோக்ஸவாகன். 5-சீட்டர் டிகுவானைப் போல இல்லாமல் தனித்து தெரியும் வகையிலேயே டேரான் உருவாக்கப்பட்டு வருகிறது. இந்த டேரான் மாடலை இந்தியாவிற்கு கொண்டு வரும் திட்டத்தில் இருக்கிறது ஃபோக்ஸ்வாகன். CKD முறையில் குறைந்த அளவில் இதனை இந்தியாவில் ஃபோக்ஸ்வாகன் விற்பனைக்குக் கொண்டு வரலாம் என எதிர்பார்க்கப்படுகிறது.
ஃபோக்ஸ்வாகனின் திட்டம்:
இடது பக்கம் ஓட்டுநர் இருக்கை கொண்ட 5-சீட்டர் டேரான் ஒன்று சீனாவில் விற்பனையில் இருக்கிறது. அந்த மாடலின் அடுத்த தலைமுறை வெர்ஷனாக புதிய டேரானை சர்வதேச வெளியீட்டுக்காக உருவாக்குகிறது ஃபோக்ஸ்வாகன். அடுத்த தலைமுறை கோடியாக்கை இந்த ஆண்டு இறுதியில் அறிமுகப்படுத்த திட்டமிட்டிருக்கிறது ஃபோக்ஸ்வாகன். எனவே, அடுத்த ஆண்டு டேரானின் உற்பத்தியும், அதனைத் தொடர்ந்து 2025-ல் இந்தியாவில் வெளியீட்டையும் நாம் எதிர்பார்க்கலாம். டேரான் மட்டுமல்லாது முழுமையான எலெக்ட்ரிக் காரான ID4 மாடலையும் இந்தியாவில் அறிமுகப்படுத்தும் திட்டத்தில் இருக்கிறது ஃபோக்ஸ்வாகன். அதனை இந்திய சாலைகளில் தற்போது சோதனை செய்து வருகிறது அந்நிறுவனம். இந்த ஆண்டு இறுதியில் அல்லது அடுத்த ஆண்டு தொடக்கத்தில் ID4-ஐ இந்தியாவில் ஃபோக்ஸ்வாகன் அறிமுகப்படுத்தலாம்.
இந்த காலவரிசையைப் பகிரவும்