புதிய அப்டேட்களுடன் வெளியான ஜாவா மற்றும் யெஸ்டி பைக்குகள்!
செய்தி முன்னோட்டம்
2023-ம் ஆண்டிற்கான யெஸ்டி மற்றும் ஜாவா லைன்-அப் பைக்குகளில் நிறைய மாற்றங்கள் செய்யப்பட்டிருக்கின்றன, என்னென்ன மாற்றங்கள் என்று பார்ப்போம்.
இந்தியாவில் 2023, ஏப்ரல் 1-க்குப் பிறகு விற்பனை செய்யும் வாகனங்கள் புதிதாக அறிமுகப்படுத்தப்பட்ட மாசுக் கட்டுப்பாட்டு கொள்கைகளுடன் இணைக்கமான வகையில் இருக்க வேண்டும் என அறிவித்திருந்தது மத்திய அரசு.
தற்போது அதற்கேற்ப புதிய பைக்குகளின் இன்ஜின்களில் மாற்றங்களைச் செய்திருக்கின்றன ஜாவாவும், யெஸ்டியும்.
புதிய மாசுக்கட்டுப்பாட்டுக் கொள்கைகளுக்கு ஏற்றவகையில் என்று மட்டும் இல்லாமல் மொத்தமாகவே இன்ஜினை மறுவடிவம் செய்திருக்கின்றன அந்நிறுவனங்கள். இதனால் முன்பை விட ரீபைண்டாக அதன் இன்ஜின் இருக்கும் எனத் தெரிவிக்கப்பட்டுள்ளது.
ஜாவா
மாற்றங்கள் மற்றும் விலையேற்றம்:
தற்போது ஜாவா 42-வில் அசிஸ்ட் மற்றும் ஸ்லிப்பட் கிளட்ச் கொடுக்கப்பட்டிருக்கிறது. இதனால் டவுன்ஷிப்டிங் இலகுவாக இருக்கும் எனத் தெரிவிக்கப்பட்டுள்ளது.
மேலும், ஜாவா 42-ல் அனலாக் டிஸ்பிளேவிற்குப் பதிலாக, டிஜிட்டல் எல்சிடி டேஷ் கொடுக்கப்பட்டிருக்கிறது. ஹசார்டு லைட் ஸ்விட்சையும் தற்போது ஸ்டாண்டர்டாக வழங்குகிறது ஜாவா.
யெஸ்டியின் மூன்று மாடல்களிலும் மறுவடிவம் செய்யப்பட்ட எக்சாஸ்ட் மஃப்ளர்களுடன் பெரிய பின்பக்க ஸ்ப்ராக்கெட்டுகள் கொடுக்கப்பட்டிருக்கின்றன.
இந்த மாற்றங்களுடன் ஜாவா மற்றும் யெஸ்டியின் 6 மாடல் பைக்குகளில் ரூ.2,000 முதல் ரூ.6,000 வரை விலையேற்றமும் செய்யப்பட்டிருக்கின்றன.
குறைந்தபட்சமாக ஜாவா 42 மற்றும் யெஸ்டி ஸ்கிராம்ப்லரில் ரூ.2,000 முதல் அதிகபட்சமாக ஜாவா 42 பாபரில் ரூ.6,000 வரை விலையேற்றம் செய்யப்பட்டு அறிவிக்கப்பட்டிருக்கிறது.