தங்கள் பைக் மாடல்களுக்கு புதிய பெயின்ட் ஸ்கீம்களை அறிமுகப்படுத்திய ட்ரையம்ப்
இந்தியாவில் தொடக்க நிலை ப்ரீமியம் பைக் செக்மெண்டில் தங்களுடைய புதிய மாடலான ஸ்பீடு 400 பைக்கை கடந்த சில நாட்களுக்கு முன்பு தான் வெளியிட்டது ட்ரையம்ப். இந்நிலையில், தற்போது இந்தியாவில் விற்பனை செய்து வரும் தங்களுடைய மற்ற பைக் மாடல்களுக்கு புதிய அப்டேட் ஒன்றைக் கொடுத்திருக்கிறது ட்ரையம்ப். தற்போது விற்பனையாகி வரும், ஸ்பீடு ட்ரிபிள் 1200 RS, டைகர் 850 ஸ்போர்ட் மற்றும் டைகர் ஸ்போர்ட் 660 ஆகிய பைக் மாடல்களை புதிய பெயின்ட் ஸ்கீமில் அறிமுகப்படுத்தியிருக்கிறது ட்ரையம்ப். ஸ்பீடு 1200 RS மாடலனாது ஏற்கனவே சபையர் ப்ளாக், மேட் சில்வர் ஐஸ் மற்றும் மேச் பாதா ஆரஞ்ச் ஆகிய மூன்று பெயின்ட் ஸ்கீம்களில் விற்பனை செய்யப்பட்டு வருகிறது.
புதிய பெயின்ட் ஸ்கீம்களில் ட்ரைம்யப் பைக்குகள்:
தற்போது புதிதாக கார்னிவல் ரெட் பெயின்ட் ஸ்கீமில் 1200 RS-ஐ அறிமுகப்படுத்தியிருக்கிறது ட்ரையம்ப். இதில் சில்வர் மற்றும் ப்ளாக் பெயின்ட் ஸ்கீம்களைக் கொண்ட மாடல்கள் ரூ.17.95 லட்சம் எக்ஸ்-ஷோரூம் விலையில் விற்பனை செய்யப்பட்டு வரும் நிலையில், புதிய கார்னிவல் ரெட் பெயின்ட் ஸ்கீமை ரூ.18.25 லட்சம் எக்ஸ்-ஷோரூம் விலையில் விற்பனை செய்யவிருக்கிறது ட்ரையம்ப். 850 ஸ்போர்ட் மாடலானது ஏற்கனவே கிராஃபைட் டையாப்ளோ ரெட் பெயின்ட் ஸ்கீமில் விற்பனை செய்யப்பட்டு வரும் நிலையில், புதிதாக கிராஃபைட் ஜெட் ப்ளாக் நிறம் அறிமுகப்படுத்தப்பட்டிருக்கிறது. அதேபோல் ஸ்போர்ட் 660-யில், ஜெட் ப்ளாக்குடன் கூடிய ஸ்னோடோனியா ஒயிட் மற்றும் ஜெட் ப்ளாக்குடன் கூடிய கிராஃபைட் ஆகிய புதிய பெயின்ட் ஸ்கீம்கள் அறிமுகப்படுத்தப்பட்டிருக்கின்றன.
