இந்தியாவில் விழாக்காலத்தை முன்னிட்டு வெளியாகியிருக்கும் ஸ்பெஷல் எடிஷன் கார்கள்
செய்தி முன்னோட்டம்
இந்தியாவில் விழாக்காலத்தை முன்னிட்டு பல்வேறு ஆட்டோமொபைல் நிறுவனங்கள், ஏற்கனவே விற்பனை செய்யப்பட்டு வரும் தங்களுடைய கார் மாடல்களின் ஸ்பெஷல் எடிஷன் கார் மாடல்களை வெளியிட்டிருக்கின்றன.
அப்படி என்னென்ன மாடல்கள் தற்போது வரை வெளியாகியிருக்கின்றன என்பதன் லைன்-அப் தான் இது.
ஹோண்டா அமேஸ் எலைட் மற்றும் சிட்டி எலிகண்ட் எடிஷன்:
இந்தியாவில் தங்களுடைய செடான்களின் ஸ்பெஷல் எடிஷன் மாடல்களை வெளியிட்டிருக்கிறது ஹோண்டா.
அமேஸ் எலைட் எடிஷனை ரூ.9.04 லட்சம் முதல் ரூ.9.86 லட்சம் வரையிலான விலையிலும், சிட்டி எலிகண்ட் எடிஷனை ரூ.12.57 லட்சம் முதல் ரூ.13.82 லட்சம் வரையிலான விலையிலும் வெளியிட்டிருக்கிறது ஹோண்டா.
இந்த ஸ்பெஷல் எடிஷன் மாடல்களில் புதிய வசதிகள் ஏதுமின்றி டிசைனில் மட்டும் சின்னச் சின்ன மாற்றங்கள் மேற்கொள்ளப்பட்டிருக்கிறது.
ஆட்டோ
ஸ்கோடா குஷாக் ஒனிக்ஸ் பிளஸ் வேரியன்ட்:
குஷாக்கின் இந்த வேரியன்டை ரூ.11.59 லட்சம் விலையில் வெளியிட்டிருக்கிறது ஸ்கோடா. இந்த ஸ்பெஷல் எடிஷன் மாடலின் விண்டோ, முன்பக்க கிரில் மற்றும் பூட்டில் குரோம் அக்சன்ட் கொடுக்ப்பட்டிருக்கிறது.
1.0 லிட்டர் டர்போசார்ஜ்டு இன்ஜின் மற்றும் 6-ஸ்பீடு மேனுவல் கியர்பாக்ஸ் தேர்வுடன் மட்டுமே இந்த ஸ்பெஷல் எடிஷன் மாடல் விற்பனை செய்யப்படவிருக்கிறது.
ரெனோ அர்பன் நைட் எடிஷன்:
தங்களது இந்திய லைன்-அப்பில் உள்ள க்விட், கைகர் மற்றும் டிரைபர் என அனைத்து மாடல்களிலும் அந்த அர்பன் நைட் எடிஷனை வெளியிட்டிருக்கிறது ரெனோ.
மேற்கூறிய மாடல்களின் டாப்-எண்டு வேரியன்டைக் கொண்டு மட்டுமே அர்பன் நைட் எடிஷனை வடிவமைத்திருக்கிறது அந்நிறுவனம். மேலும், இந்த அர்பன் நைட் எடிஷன் மாடல்களுக்கு ரூ.15,000 கூடுதலாகக் கொடுக்க வேண்டியிருக்கும்.
ஸ்பெஷல் எடிஷன்
எம்ஜி அஸ்டர் ப்ளாக் ஸ்டார்ம் எடிஷன்:
ரூ.14.48 லட்சம் முதல் ரூ.15.77 லட்சம் வரையிலான விலைகளில் புதிய அஸ்டர் ப்ளாக் ஸ்டார்ம் எடிஷனை வெளியிட்டிருக்கிறது எம்ஜி.
முழுவதும் கருப்பு நிறம், பனோரமிக் சன்ரூஃப், கருப்பு நிற ஹனிகோம்ப் கிரில், கருப்பு அலாய் வீல்கள் மற்றும் கருப்பு நிற ரூஃப் ரெயில் அனைத்தும் கருப்பு நிறத்திலேயே அளிக்கப்பட்டிருக்கின்றன.
நிஸான் மேக்னைட் குரோ ஸ்பெஷல் எடிஷன்:
'குரோ' என்றால் ஜப்பானிய மொழியில் கருப்பு என பொருளாம். தங்களது மேக்னைட் மாடலை கருப்பு நிறத்தால் அலங்கரித்து இந்த குரோ ஸ்பெஷல் எடிசனை வெளியிட்டிருக்கிறது நிஸான்.
ரூ.8.27 லட்சம் முதல் ரூ.10.46 லட்சம் வரையிலான விலைகளில், மூன்று வேரியன்ட்களாக, இரண்டு இன்ஜின் தேர்வுகளுடன் வெளியாகியிருக்கிறது இந்த மேக்னைட் குரோ ஸ்பெஷல் எடிஷன் எஸ்யூவி.