'ராஹி' இ-ரிக்ஷாவை இந்த மாதம் அறிமுகப்படுத்த உள்ளது ஓலா எலக்ட்ரிக் நிறுவனம்
செய்தி முன்னோட்டம்
பெங்களூரை தளமாகக் கொண்ட EV தயாரிப்பாளரான ஓலா எலக்ட்ரிக் நிறுவனம் 'ராஹி' எனப்படும் புதிய மின்சார ரிக்ஷாவை வெளியிடத் தயாராகி வருகிறது. இந்த இ-ஆட்டோரிக்ஷா சில ஆண்டுகளாகவே தயாரிக்கப்பட்டு வருகிறது. மஹிந்திராவின் ட்ரீயோ, பியாஜியோவின் ஏப் இ-சிட்டி மற்றும் பஜாஜ் RE போன்ற பிரபலமான எலக்ட்ரிக் மூன்று சக்கர வாகனங்களுக்கு போட்டியாக இது களமிறங்க உள்ளது. ஓலா எலக்ட்ரிக் அதன் ஜிகாஃபாக்டரி பற்றிய விவரங்கள் உட்பட பல அறிவிப்புகளை ஆரம்ப பொதுச் சலுகைக்காக(IPO) இன்னும் சில மாதங்களில் வெளியிட உள்ளது.
ஓலா எலக்ட்ரிக்
முதல்முறையாக அறிவிக்கப்பட்ட 8 ஆண்டுகள்/80,000 கிமீ நீட்டிக்கப்பட்ட பேட்டரி உத்தரவாதம்
ஓலா எலக்ட்ரிக் நிறுவனம் இரு சக்கர வாகன EV சந்தையில் அதன் நிலையை வலுப்படுத்தி வருகிறது. ஒப்பீட்டளவில் இரு சக்கர வாகன EV சந்தையில் அது முன்னணியில் உள்ளது. பிப்ரவரி 2024இல் மட்டும் 35,000 முன்பதிவுகளை எட்டி ஓலா எலக்ட்ரிக் மாதாந்திர பதிவுகளில் ஒரு பெரிய எழுச்சியை கண்டுள்ளது. முதல் எட்டு ஆண்டுகள்/80,000 கிமீ நீட்டிக்கப்பட்ட பேட்டரி உத்தரவாதத்தை ஓலா எலக்ட்ரிக் நிறுவனம் சமீபத்தில் அறிமுகப்படுத்தியது. வாடிக்கையாளர்கள் கூடுதல் வாரண்டியை தேர்வு செய்யும் வசதியையும் ஓலா எலக்ட்ரிக் அறிமுகப்படுத்தியுள்ளது. அதன் மூலம், கூடுதலாக ரூ.4,999 கட்டும் வாடிக்கையாளர்களுக்கு 1,25,000 கிமீ வரை நீட்டிக்கப்பட்ட உத்தரவாதம் வழங்கப்படும்.