கிளாஸிக் லெஜன்ட்ஸ் நிறுவனத்தில் ரூ.525 கோடி முதலீடு செய்யும் மஹிந்திரா
செய்தி முன்னோட்டம்
இந்தியாவின் முன்னணி ஆட்டோமொபைல் நிறுவனமான விளங்கி வரும் மஹிந்திரா, தங்களுடைய பைக் பிரிவான கிளாஸிக் லெஜன்ட்ஸில் ரூ.525 கோடியை முதலீடு செய்யவிருப்பதாகத் தெரிவித்திருக்கிறது.
கிளாஸிக் லெஜன்ட்ஸ் பிரிவைக் கொண்டு, இந்தியாவில் ஒரு காலத்தில் முன்னணி பைக்குளாக விளங்கிய யெஸ்டி, ஜாவா மற்றும் BSA ஆகிய நிறுவனங்களின் பைக்குகளுக்கு புத்துயிர் அளித்து வருகிறது மஹிந்திரா.
மஹிந்திரா மட்டுமின்றி கிளாஸிக் லெஜன்ட்ஸ் நிறுவனமானது அடுத்த மூன்று ஆண்டுகளில் ரூ.875 கோடி முதலீட்டைப் பெறவிருக்கிறது. மஹிந்திரா மட்டுமின்றி வேறு சில முதலீட்டாளர்களும் இந்த கிளாஸிக் லெஜன்ட்ஸ் நிறுவனத்தில் முதலீடு செய்யவிருப்பதாகத் தகவல் வெளியாகியிருக்கிறது.
மஹிந்திரா
ப்ரீமியம் பிரிவில் வலுக்கும் போட்டி:
ப்ரீமியம் பைக் பிரிவில், 500சிசி-க்கும் மேற்பட்ட இன்ஜின் கொண்ட பைக்குகளுகிடையிலேயே அதிக போட்டி நிலவி வந்த நிலையில், தற்போது 500சிசி-க்கு உட்பட்ட இன்ஜின் கொண்ட பைக்குகளுக்கிடையிலும் போட்டி அதிகரித்து வருகிறது.
முன்னர் ஹோண்டா மற்றும் ராயல் என்ஃபீல்டு என ஒரு சில நிறுவனங்களே இந்தப் பிரிவில் போட்டியிட்டு வந்த நிலையில், தற்போது ட்ரையம்ப் மற்றும் ஹார்லி டேவிட்சன் என உலகளவில் ப்ரீமியம் பைக் சந்தையில் வெற்றி கொடி நாட்டிய பல்வேறு நிறுவனங்களும் இந்தியாவில் களமிறங்கியிருக்கின்றன.
இந்திய நிறுவனங்களுடன் கைகோர்த்து குறைந்த விலையில் ப்ரீமியம் பைக்குகளை அவை வெளியிட்டு வருகின்றன. இப்படியான போட்டி, கிளாஸிக் லெஜன்ட்ஸ் நிறுவனத்துக்கான அழுத்தத்தையும் அதிகரித்திருப்பது குறிப்பிடத்தக்கது.