எலெக்ட்ரிக் வாகன வெளியீட்டு டைம்லைனை பகிர்ந்து கொண்ட மஹிந்திரா
செய்தி முன்னோட்டம்
தென்னாப்பிரிக்காவின் தலைநகர் கேப் டவுன் நடைபெற்ற தங்களுடைய 'ப்யூச்சர்ஸ்கேப்' நிகழ்வில், குளோபல் பிக்-அப் மற்றும் எலெக்ட்ரிக் தார் கான்செப்டுகள் மட்டுமின்றி, அடுத்த சில ஆண்டுகளுக்கான தங்களுடைய எலெக்ட்ரிக் வாகன வெளியீட்டு டைம்லைனையும் பகிர்ந்திருக்கிறது மஹிந்திரா.
நான்கு புதிய எலெக்ட்ரிக் வாகனங்களை அடுத்த இரண்டு ஆண்டுகளில் வெளியிடத் திட்டமிட்டிருப்பதாகத் தெரிவித்திருக்கும் அந்நிறுவனம், தங்களுடைய எலெக்ட்ரிக் வாகனங்களில் பயன்படுத்தும் வகையிலான புதிய இன்ஃபினிட்டி லோகோவையும் இந்த நிகழ்வில் வெளியிட்டிருக்கிறது.
ஏற்கனவே விற்பனையில் இருக்கும் தங்களது எரிபொருள் வாகனங்களின் எலெக்ட்ரிக் வெர்ஷன்கள் மற்றும் முற்றிலும் புதிய பார்ன் எலெக்ட்ரிக் (Born Electric) அறிமுகங்கள் என இரண்டு வகையான திட்டங்களையும் கைவசம் வைத்திருக்கிறது மஹிந்திரா.
மஹிந்திரா
மஹிந்திராவின் புதிய எலெக்ட்ரிக் வாகனங்கள்:
அடுத்த தாங்கள் வெளியிடவிருக்கும் எலெக்ட்ரிக் வாகனங்களை, தங்களுடைய புதிய INGLO ஸ்கேட்போர்டு பிளாட்ஃபார்மிலேயே உருவாக்கவிருக்கிறது மஹிந்திரா.
மஹிந்திராவின் எலெக்ட்ரிக் லைன்அப்பில் முதலில் இருப்பது தற்போதைய XUV700-ன் எலெக்ட்ரிக் வெர்ஷனான, XUV e.8 மாடல். இதனை டிசம்பர் 2024-ல் அறிமுகப்படுத்தவிருப்பதாகத் தெரிவித்திருக்கிறது அந்நிறுவனம்.
XUV e.8-ன் ஸ்போர்டியரான கூப் எஸ்யூவி வெர்ஷனாக, XUV e.9-ஐ தயாரித்து வெளியிடத் திட்டமிட்டிருக்கிறது மஹிந்திரா. இதன் அறிமுகத்தை ஏப்ரல் 2025-ல் திட்டமிட்டிருக்கிறது அந்நிறுவனம்.
இதனைத் தொடர்ந்து பார்ன் எலெக்ட்ரிக் மாடல்களான, BE 05 மற்றும் BE 07 ஆகிய முற்றிலும் புதிய எலெக்ட்ரிக் மாடல்களை அக்டோபர் 2025 மற்றும் ஏப்ரல் 2026-ல் அறிமுகப்படுத்தத் திட்டமிட்டிருக்கிறது மஹிந்திரா.