புதிய மாருதி சுஸூகி ஜிம்னி.. எப்போது வெளியீடு?
செய்தி முன்னோட்டம்
5-டோர் எஸ்யூவியான ஜிம்னி (Jimny) மாடலை கடந்த ஜனவரியில் நடந்த ஆட்டோ எக்ஸ்போவில் சர்வதேச சந்தைக்காக அறிமுகப்படுத்தியது மாருதி நிறுவனம். இந்தக் காரை மே மாத இறுதியில் வெளியிட திட்டமிட்டிருந்தது மாருதி. ஆனால், தற்போது அது ஜூன் முதல் வாரத்திற்கு ஒத்திவைக்கப்பட்டிருப்பதாகத் தகவல் வெளியாகியிருக்கிறது. இந்தக் காருக்கான புக்கிங்குகளை அறிமுகத்தின் போதே தொடங்கிய மாருதி நிறுவனம், வாடிக்கையாளர்களின் வசதிக்காக தங்களுடைய நெக்ஸா ஷோரூம்களில் இந்தக் காரை காட்சிப்படுத்தியிருக்கிறது. இந்தக் காருக்கான புக்கங்குகள் 25,000-த்தை நெருங்குவதாகத் தெரிவித்திருக்கிறது மாருதி. மேலும், இதன் மேனுவல் கியர்பாக்ஸ் வேரியன்டின் வெயிட்டிங் பீரியட் தற்போது 6 மாதமாக இருப்பதாகவும், ஆட்டோமேட்டிக் கியர்பாக்ஸ் வேரியன்டின் வெயிட்டிங் பீரியட் 8 மாதமாக இருப்பதாகவும் தெரிவிக்கப்பட்டுள்ளது.
மாருதி சுஸூகி
புதிய மாருதி சுஸூகி ஜிம்னி - இன்ஜின் மற்றும் வசதிகள் :
இந்தப் புதிய ஜிம்னியில் 105hp பவர் மற்றும் 134Nm டார்க்கை உற்பத்தி செய்யக்கூடிய 1.5 லிட்டர் K15B பெட்ரோல் இன்ஜின் ஆப்ஷனை மட்டுமே வழங்கியிருக்கிறது மாருதி. அந்த இன்ஜினுடைன் 5-ஸ்பீடு மேனுவல் மற்றும் 4-ஸ்பீடு டார்க் கண்வர்ட்டர் ஆட்டோமேட்டிக் என இரண்டு கியர்பாக்ஸ் ஆப்ஷன்கள் கொடுக்கப்பட்டிருக்கின்றன. ஜெட்டா மற்றும் ஆல்ஃபா என இரண்டு ட்ரிம்களில் வெளியாகவிருக்கிறது ஜிம்னி. இதில் டாப்-எண்டான ஆல்ஃபா ட்ரிம்மில் ஆட்டோ LED முகப்புவிளக்குகள், 9-இன்ச் டச்ஸ்கிரீன், க்ரூஸ் கண்ட்ரோல், ESP, ஹில்-ஹோல்டு அசிஸ்ட், 6 ஏர் பேக்குகள், ரியர் வியூ கேமரா, ஹில் டிசெண்ட் கண்ட்ரோல் ஆகிய வசதிகள் கொடுக்கப்பட்டிருக்கின்றன. ரூ.10-ரூ.12 லட்சம் எக்ஸ்-ஷோரூம் விலையில் இந்தப் புதிய ஜிம்னி வெளியிடப்படலாம் என எதிர்பார்க்கப்படுகிறது.