மஹிந்திரா ஸ்கார்ப்பியோ கிளாஸிக் மாடல் கார்களை வாங்கத் திட்டமிட்டிருக்கும் இந்திய ராணுவம்
செய்தி முன்னோட்டம்
இந்திய கார் தயாரிப்பு நிறுவனமான மஹிந்திராவிடம் புதிதாக 1,850 கார்களை வாங்கத் திட்டமிட்டிருக்கிறது இந்திய ராணுவம்.
ஏற்கனவே டாடா சஃபாரி, டாடா ஸெனான், ஃபோர்ஸ் கூர்க்கா மற்றும் மாருதி சுசூகி ஜிம்னி ஆகிய மாடல்கள் இந்திய ராணுவத்தால் பயன்படுத்தப்பட்டு வருகின்றன.
தற்போது புதிதாக 1,850 ஸ்கார்ப்பியோ கிளாஸிக் மாடல் கார்களை வாங்குவதற்கு மஹிந்திரா நிறுவனத்திடம் ஆர்டர் செய்திருக்கிறது இந்திய ராணுவம். கடந்த ஜனவரி மாதமும் 1,470 ஸ்காரப்பியோ கிளாஸிக் மாடல்களுக்கு மஹிந்திரா நிறுவனத்திடம் இந்திய ராணும் ஆர்டர் செய்திருந்தது குறிப்பிடத்தக்கது.
இந்த ஆர்டரைத் தொடர்ந்து 4-வீல் டிரைவ் கொண்ட ஸ்கார்ப்பியோ கிளாஸிக் மாடல்களை இந்திய ராணுவத்திற்கு டெலிவரி செய்யவிருக்கிறது மஹிந்திரா.
மஹிந்திரா
மஹிந்திரா ஸ்கார்ப்பியோ கிளாஸிக்:
இந்தியாவில் முன்னர் விற்பனை செய்யப்பட்டு வந்த 'ஸ்கார்ப்பியோ' மாடலை அப்டேட் செய்து 'ஸ்கார்ப்பியோ கிளாஸிக்' மாடலாக கடந்த ஆண்டு ஆகஸ்டில் அறிமுகம் செய்தது மஹிந்திரா.
130hp பவர் மற்றும் 300Nm டார்க்கை உற்பத்தி செய்யக்கூடிய 2.2 லிட்டர் டீசல் இன்ஜினைக் கொண்டிருக்கிறது புதிய ஸ்கார்ப்பியோ. இந்த மாடலானது ரூ.14.34 லட்சம் முதல் ரூ.18.67 லட்சம் வரையிலான எக்ஸ்-ஷோரூம் விலைகளில் விற்பனை செய்யப்பட்டு வருகிறது.
6-ஸ்பீடு மேனுவல் கியர்பாக்ஸ் கொண்ட இந்த மாடலில் ஆட்டோமேட்டிக் கியர்பாக்ஸ் கொண்ட வேரியன்டோ, 4-வீல் டிரைவ் வேரியன்டோ இல்லை. எனவே, இந்திய ராணுவத்திற்காக பிரத்தியேகமாக 4-வீல் டிரைவ் கொண்ட மாடலை தயாரித்து வழங்கவிருக்கிறது மஹிந்திரா.