இந்தியாவிற்கான புதிய மைக்ரோ-SUV.. Exter குறித்த தகவல்கள்!
செய்தி முன்னோட்டம்
தங்களுடைய புதிய மைக்ரோ-எஸ்யூவியின் முன்பக்கம் மற்றும் பக்கவாட்டு டிசைனைக் வெளிப்படுத்தும் வகையில் புதிய புகைப்படங்களை வெளியிட்டிருக்கிரது ஹூண்டாய் நிறுவனம். எக்ஸ்டர் (Exter) எனப் பெயரிடப்பட்ட இந்த புதிய மைக்ரோ-எஸ்யூவியை இந்தியாவிற்காகவே உருவாக்கி வருகிறது ஹூண்டாய். வரும் ஜூலை 2023-ல் உற்பத்தி தொடங்கப்பட்டு, ஆகஸ்ட் மாதம் இந்த எஸ்யூவி வெளியாகும் என எதிர்பார்க்கப்படுகிறது. இந்த மைக்ரோ-எஸ்யூவியை இந்தியாவில் உற்பத்தி செய்து மற்ற நாடுகளுக்கு ஏற்றுமதி செய்யும் திட்டத்தில் இருக்கிறது ஹூண்டாய். பெட்ரோல் இன்ஜின் வேரியன்ட்களை மட்டுமே வெளியிடவிருக்கிறது ஹூண்டாய். அடுத்த வரும் நாட்களில் CNG வேரியன்டும் உடன் சேரலாம். மாருதி இக்னிஸ், சிட்ரன் C3 மற்றும் டாடா பஞ்ச் ஆகிய மாடல்களுக்குப் போட்டியாக இந்தியாவில் களமிறங்குகிறது எக்ஸ்டர்.
ஆட்டோ
இன்ஜின் மற்றும் விலை:
3.8 மீட்டர் மட்டுமே நீளம் கொண்டிருக்கும் என எதிர்பார்க்கப்படும் இந்த மைக்ரோ-எஸ்யூவியில் ஹூண்டாய் கிராண்டு i10 நியாஸ் ஹேட்ச்பேக்கில் பயன்படுத்தப்பட்ட அதே அடித்தளக் கட்டுமானமே பயன்படுத்தப்படவிருக்கிறது. சஸ்பென்ஷன் செட்டப்பும் கிட்டத்தட்ட அதே தான். ஆனால், கிரௌண்டு கிளியரன்ஸ் மட்டும் கொஞ்சம் கூடுதலாகக் கொடுக்கப்படவிருக்கிறது. ஹூண்டாயின் நியாஸ், ஆரா, i20 மற்றும் வென்யூவில் பயன்படுத்தப்பட்ட 83hp பவரை வெளிப்படுத்தக்கூடிய 1.2 லிட்டர் பெட்ரோல் இன்ஜினை இதற்கும் கொடுக்கவிருக்கிறது. கூடுதலாக 1.0 லிட்டர் டர்போபெட்ரோல் இன்ஜின் ஆப்ஷனும் கொடுக்கப்படலாம். மேலும், 5 ஸ்பீடு மேனுவல் மற்றும் AMT கியர்பாக்ஸ்கள் கொடுக்கப்படலாம். நியாஸூக்கு மேல், வென்யூவிற்கு கீழ் ரூ.6 - ரூ.9 லட்சம் எக்ஸ்-ஷோரூம் விலையில் இந்த எக்ஸ்டர் வெளியாகலாம் என எதிர்பார்க்கப்படுகிறது.