ஐரோப்பாவுக்கு இந்தியாவிலிருந்து ஏற்றுமதி; சிட்ரோயன் 2CV எலக்ட்ரிக் காரின் உற்பத்தியை இந்தியாவில் தொடங்க திட்டம்

எழுதியவர் Sekar Chinnappan

Oct 24, 2026

02:09 pm

செய்தி முன்னோட்டம்

பிரெஞ்சு கார் தயாரிப்பு நிறுவனமான சிட்ரோயன் தனது தாய் நிறுவனமான ஸ்டெல்லாண்டிஸ் மூலம், புதிதாக அறிமுகப்படுத்தப்பட்டுள்ள 2CV எலக்ட்ரிக் காரை இந்தியாவில் தயாரித்து உலக நாடுகளுக்கு ஏற்றுமதி செய்யத் தீவிரமாக ஆலோசித்து வருகிறது. அக்டோபர் 2026 பாரிஸ் மோட்டார் ஷோவில் காட்சிப்படுத்தப்பட்ட இந்த ஏ-செக்மென்ட் மின்சார கார், 2028 ஆம் ஆண்டிற்குள் ஐரோப்பிய சந்தையில் €15,000 ஆரம்ப விலையில் விற்பனைக்கு கொண்டு வரப்படவுள்ளது. சலிப்பற்ற ஏற்றுமதித் தேவைகளை நிறைவு செய்ய இந்தியாவை ஏற்றுமதி மையமாக மாற்ற இதன் மூலம் திட்டமிடப்பட்டுள்ளது.

தமிழ்நாடு

தமிழ்நாடு திருவள்ளூர் ஆலையின் உற்பத்தித் திறன்

குறைந்த தயாரிப்பு செலவு காரணமாகவே சிட்ரோயன் இந்தியாவை தேர்வு செய்ய முன்வந்துள்ளது.

தமிழ்நாட்டின் திருவள்ளூரில் உள்ள ஸ்டெல்லாண்டிஸ் ஆலை தற்போது 100% முழுமையாக அந்த நிறுவனத்தால் சொந்தமாக்கப்பட்டு C3, eC3, ஏர்கிராஸ் மற்றும் பஸால்ட் கார்களை தயாரித்து வருகிறது.

தற்போது 16,000 அலகுகளாக உள்ள உற்பத்தித் திறனை 2028-க்குள் 43,000 ஆக உயர்த்த திட்டமிடப்பட்டுள்ளது.

இதற்காக ₹4,000 கோடி புதிய முதலீட்டை செலுத்தி, உள்ளூர் பாகங்கள் உற்பத்தியை அதிகரித்து 2CV எலக்ட்ரிக் காரின் தயாரிப்பை வேகப்படுத்த ஆலோசிக்கப்பட்டு வருகிறது.

சவால்கள்

இந்திய மின்சார கார் சந்தையில் நிலவும் சவால்கள்

இந்தியாவில் ஏ-செக்மென்ட் சிறிய கார்களுக்கான தேவை குறைவாக உள்ளதும், எம்ஜி காமட் மற்றும் டாடா டியாகோ இவி போன்ற கார்கள் நிலவுவதும் ஒரு சவாலாகும்.

ஐரோப்பிய விலையான €15,000 என்பது இந்திய மதிப்புக்கு அதிக என்பதால், உள்நாட்டு சந்தையில் நுழைய அதிக அளவிலான உள்ளூர் பாகப் பயன்பாடு மற்றும் விலை குறைப்பு அவசியமாகிறது.

இதனால், தற்போதைக்கு இந்த கார் இந்திய உள்நாட்டு விற்பனையை விட, இந்தியாவிலிருந்து ஐரோப்பிய நாடுகளுக்கு ஏற்றுமதி செய்யப்படும் காராகவே தயாரிக்கப்படும் வாய்ப்புகள் அதிகம் எனக் கருதப்படுகிறது.

வரலாற்றுத் தொடர்பு

1980-களின் வரலாற்றுத் தொடர்பும் சிட்ரோயனின் எதிர்காலமும்

1980-களின் பிற்பகுதியில் எஸ்கார்ட்ஸ் நிறுவனம் அசல் 2CV காரை இந்தியாவில் தயாரிக்க முயற்சி செய்து அனுமதி கிடைக்காமல் போன வரலாறு உண்டு.

தற்போது நவீன மின்சார வடிவில் 2CV மீண்டும் இந்தியாவுக்குள் வருவது முக்கியத்துவம் வாய்ந்த மாற்றமாகும்.

2030-க்குள் சி-எஸ்யூவி மற்றும் எம்பிவி ரக கார்களை அறிமுகப்படுத்தவும், சிஎன்ஜி கார்களின் விற்பனையை இந்தியாவில் விரிவுபடுத்தவும் சிட்ரோயன் நிறுவனம் திட்டமிட்டுள்ளது.

வாடிக்கையாளர்களின் அனுபவத்தையும் ஷோரூம்களின் எண்ணிக்கையையும் அதிகரிக்கவும் நடவடிக்கைகள் எடுக்கப்பட்டு வருகின்றன.