BYD-யின் புதிய எலெக்ட்ரிக் ஹேட்ச்பேக் கார்.. என்னென்ன வசதிகள்?
செய்தி முன்னோட்டம்
தங்களது புதிய ஹேட்ச்பேக் மாடலான சீகல் (Seagull) காரை சர்வதேச சந்தையில் வெளியிட்டிருக்கிறது சீனாவைச் BYD கார் தயாரிப்பு நிறுவனம். இந்தப் புதிய எலக்காரானது தற்போது சீனாவில் வெளியாகியிருக்கும் நிலையில், விரைவில் மற்ற நாடுகளிலும் இந்தக் கார் வெளியாகலாம் என எதிர்பார்க்கப்படுகிறது. BYD-யின் e-பிளாட்ஃபார்ம் 3.0-வில் உருவாகியிருக்கும் இந்தக் காரில் 30kWh சோடியம்-அயன் பேட்டரியைப் பயன்படுத்தியிருக்கிறது அந்நிறுவனம். இந்திய மதிப்பில் ரூ.9.36 லட்சம் விலையில் வெளியாகியிருக்கிறது இந்தக் கார். தொடக்கநிலை ஹேட்ச்பேக்க காராக வெளியாகியிருக்கும் இந்த மாடலுக்கு ப்யூச்சரிஸ்டிக்கான டிசைனைக் கொடுத்திருக்கிறது BYD. டிஆர்எல்லுடன் கூடிய எல்இடி முகப்பு விளக்குகள், 5 ஸ்போக் அலாய் வீல்கள், பட்டையான எல்இடி டெய்ல்லைட்டுகள் ஆகியவை இந்த ஹேட்ச்பேக்கில் கொடுக்கப்பட்டிருக்கிறது.
ஆட்டோ
பிற வசதிகள்:
ஐந்து பேர் வரை அமரக்கூடிய இடவசதியுள்ள கேபின், டூயல் டோன் டேஷ்போர்டு, வயர்லெஸ் சார்ஜிங் பேடு, ஆட்டோமேட்டிக் கிளைமேட் கண்ட்ரோல், 5 இன்ச் டிஜிட்டல் இன்ஸ்ட்ரூமென்ட் கிளஸ்டர், 12.8 இன்ச் டச்ஸ்கிரீன் இன்ஃபோடெய்ன்மென்ட் சிஸ்டம் ஆகிய வசதிகள் காரின் உள்ளே கொடுக்கப்பட்டிருக்கின்றன. 74hp பவரை வெளிப்படுத்தும் எலெக்ட்ரிக் மோட்டாரை இந்தக் காரில் கொடுத்திருக்கிறது. மேலும், 305 கிமீ ரேஞ்சு கொண்ட, 30kWh சோடியம் அயன் பேட்டரி மற்றும் 405 கிமீ ரேஞ்சு கொண்ட, 38kWh LFP பேட்டரி என இரண்டு பேட்டரி ஆப்ஷன்களுடன் வெளியாகியிருக்கிறது. பாதுகாப்புக்காக பல ஏர்பேக்குகள், ABS மற்றும் EBD ஆகிய வசதிகள் கொடுக்கப்பட்டிருக்கின்றன.