ஆப்பிள் கார் 2028 ஆம் ஆண்டு அறிமுகம் செய்யப்பட உள்ளது
செய்தி முன்னோட்டம்
ஆப்பிளின் மிகவும் எதிர்பார்க்கப்பட்ட "ஆப்பிள் கார்" திட்டமானது, டெஸ்லாவை போலவே முழுமையான மின்சார வாகனத்திற்கு (EV) மாறியுள்ளது.
ப்ளூம்பெர்க்கின் அறிக்கைபடி, இந்த EV காரின் வெளியீட்டு தேதி 2028 ஆம் ஆண்டு என தெரிவிக்கப்பட்டுள்ளது.
காரின் சுய-ஓட்டுதல் திறன்கள், நிலை 5 அமைப்பிலிருந்து (முழுமையான செல்ப் ட்ரைவிங்) லெவல் 2+ அமைப்பிற்கு (பகுதி செல்ப் ட்ரைவிங்) குறைக்கப்பட்டுள்ளது.
இதன் பொருள், இது சில சுய-ஓட்டுநர் அம்சங்களை வழங்கும், ஆனாலும் ஓட்டுநரின் முழு கவனம் தேவைப்படும்.
அதாவது, ஆப்பிள் காரில் உள்ள லெவல் 2+ அமைப்பு, டெஸ்லாவின் தன்னியக்க பைலட்டைப் போலவே லேன் சென்டரிங் மற்றும் பிரேக்கிங்/ஆக்ஸிலரேட்டிங் சப்போர்ட் போன்ற வரையறுக்கப்பட்ட சுய-ஓட்டுநர் அம்சங்களை உள்ளடக்கும் என்று எதிர்பார்க்கப்படுகிறது.
செலவு
மில்லியன் கணக்கில் முதலீடு செய்துள்ள ஆப்பிள்
இந்த EV கார் திட்டத்திற்கு, 'ப்ராஜெக்ட் டைடன்' என பெயரிடப்பட்டுள்ளது.
ஆப்பிள் நிறுவனத்தின் தலைமை நிர்வாக அதிகாரி டிம் குக், ஆப்பிள் போர்டு மற்றும் திட்டத் தலைவர் கெவின் லிஞ்ச் ஆகியோரை உள்ளடக்கிய "தீவிரமான" மீட்டிங்கிற்கு பிறகு இந்த திட்டம் வரையறுக்கப்பட்டுள்ளது.
ஆப்பிள் நிறுவனம், 2010 ஆண்டிலிருந்து, ப்ராஜெக்ட் டைட்டனில் நூற்றுக்கணக்கான மில்லியன் டாலர்களை முதலீடு செய்துள்ளது.
பவர்டிரெய்ன்கள், சுய-ஓட்டுநர் வன்பொருள் மற்றும் மென்பொருள், கார் உட்புறம் மற்றும் வெளிப்புறம் மற்றும் பிற அத்தியாவசிய கூறுகள் ஆகியவற்றில், இந்த முதலீடு கவனம் செலுத்துகிறது.