புதிய Toyota கிளான்ஸா 2026 ஃபேஸ்லிஃப்ட் இந்தியாவில் அறிமுகம்: விலை, சிறப்பம்சங்கள் முழு விவரம்
செய்தி முன்னோட்டம்
ஜப்பானிய வாகன தயாரிப்பு நிறுவனமான டொயோட்டா, இந்தியாவில் அதன் புகழ்பெற்ற பிரிமியம் ஹேட்ச்பேக் மாடலான 2026 Toyota Glanza ஃபேஸ்லிஃப்ட் காரை அதிகாரப்பூர்வமாக அறிமுகப்படுத்தியுள்ளது. இந்தியாவில் இக்காரின் அறிமுக விலை ரூ. 6.99 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது. புதிய கிளான்ஸா கார் E, S, G, V மற்றும் V (O) என ஐந்து மாறுபட்ட நிலைகளில் விற்பனைக்குக் கிடைக்கிறது. Glanza E: ₹6.99 லட்சம் Glanza S: ₹7.71 லட்சம் Glanza G: ₹8.73 லட்சம் Glanza V: ₹9.99 லட்சம் Glanza V (O): ₹10.49 லட்சம்
விவரங்கள்
புதிய 'Z12E' என்ஜின் மற்றும் சிஎன்ஜி தேர்வு விவரங்கள்
முந்தைய 4-சிலிண்டர் என்ஜினுக்கு பதிலாக, புதிய 2026 கிளான்ஸா மாடலில் 1.2-லிட்டர் Z12E 3-சிலிண்டர் பெட்ரோல் என்ஜின் பொருத்தப்பட்டுள்ளது.
பெட்ரோல் மாடலில் 83hp ஆற்றலையும் 112Nm டார்க்கையும் வெளிப்படுத்தும் இக்காரில் 5-ஸ்பீட் மேனுவல் மற்றும் AMT கியர்பாக்ஸ் தேர்வுகள் உள்ளன.
தொழிற்சாலைப் பொருத்தப்பட்ட சிஎன்ஜி மாடல் 70hp ஆற்றலையும் 102Nm டார்க்கையும் வழங்குகிறது.
சிஎன்ஜி மாடலிலும் தற்போது ஏஎம்டி (CNG-AMT) தொழில்நுட்பம் வழங்கப்பட்டுள்ளது சிறப்பு அம்சமாகும்.
வசதிகள்
கவர்ச்சிகரமான வடிவமைப்பு மற்றும் பாதுகாப்பு வசதிகள்
வெளிப்புற தோற்றத்தில் பெரிய முன்பக்க கிரில், புதிய மூடுபனி விளக்குகள் மற்றும் 'டிஜிட்டல் டீல் கிரீன்', 'ப்ளூயிஷ் பிளாக்' ஆகிய இரண்டு புதிய வண்ணங்களில் கார் வடிவமைக்கப்பட்டுள்ளது.
உட்புறத்தில் காற்றோட்டமான முன்பக்க இருக்கைகள், வயர்லெஸ் போன் சார்ஜர், 9-இன்ச் தொடுதிரை தகவல் பொழுதுபோக்கு அமைப்பு மற்றும் கிளாரியன் ஸ்பீக்கர் சிஸ்டம் இடம்பெற்றுள்ளன.
பாதுகாப்பைப் பொறுத்தவரை, ரேஞ்ச்-டாப்பிங் V (O) மாடலில் லெவல் 2 ADAS ஓட்டுநர் உதவித் தொழில்நுட்பம், 6 ஏர்பேக்குகள் மற்றும் 360 டிகிரி கேமரா வசதிகள் வழங்கப்பட்டுள்ளன.