2026 சுஸுகி பர்க்மேன் ஸ்ட்ரீட் EX: ரூ. 1.08 லட்சம் விலையில் அறிமுகம்!
செய்தி முன்னோட்டம்
சுஸுகி மோட்டார்சைக்கிள் இந்தியா நிறுவனம், தனது பிரபலமான மேக்ஸி-ஸ்டைல் ஸ்கூட்டரான பர்க்மேன் ஸ்ட்ரீட் EX மாடலின் 2026 பதிப்பை புதிய அம்சங்களுடன் அறிமுகப்படுத்தியுள்ளது. பர்க்மேன் வரிசையிலேயே டாப்-எண்ட் மாடலான 'EX' வேரியண்ட், தற்போது கூடுதல் பொலிவுடன் சந்தைக்கு வந்துள்ளது. 2026 மாடல் பர்க்மேன் ஸ்ட்ரீட் EX, இந்தியாவில் ரூ. 1,08,126 (எக்ஸ்-ஷோரூம், டெல்லி) என்ற விலையில் அறிமுகம் செய்யப்பட்டுள்ளது. இந்த ஆண்டின் அப்டேட்டில் மிக முக்கியமான மாற்றமாக, ஒரு பிரத்யேகமான புதிய மெட்டாலிக் மேட் பிளாட்டினம் சில்வர் நிறம் அறிமுகப்படுத்தப்பட்டுள்ளது. இது ஸ்கூட்டருக்கு ஒரு நவீன மற்றும் கம்பீரமான தோற்றத்தைத் தருகிறது.
சுஸூகி
சிறப்பம்சங்கள்
சாதாரண பர்க்மேன் மாடல்களில் 10-இன்ச் பின் சக்கரம் இருக்கும் நிலையில், EX மாடலில் 12-இன்ச் பின் சக்கரம் வழங்கப்பட்டுள்ளது. இது அதிவேகத்தில் செல்லும்போது ஸ்கூட்டருக்கு கூடுதல் நிலைத்தன்மையை அளிக்கிறது. இதில் 124cc, சிங்கிள் சிலிண்டர் இன்ஜின் உள்ளது. இதில் உள்ள 'சுஸுகி இக்கோ பெர்ஃபார்மன்ஸ் ஆல்பா' தொழில்நுட்பம், சிறந்த மைலேஜ் மற்றும் மென்மையான பயண அனுபவத்தை உறுதி செய்கிறது. சத்தமில்லாமல் ஸ்டார்ட் செய்யும் வசதி மற்றும் சிக்னல்களில் இன்ஜின் தானாகவே அணைந்துவிடும் 'ஈஸி ஸ்டார்ட் சிஸ்டம்' ஆகியவையும் இதில் உள்ளன.