கார்களுக்கு இணையாக வரும் ஹோண்டா ஸ்கூப்பி ஸ்கூட்டர்!
செய்தி முன்னோட்டம்
இந்திய சந்தையில் ஸ்கூட்டர் விற்பனையில் முன்னணி நிறுவனங்களில் ஒன்று தான் ஹோண்டா. ஹோண்டா என்றதும் பலருக்கும் ஆக்டிவா தான் நினைவுக்கு வரும். அதேப்போல் பல ஸ்கூட்டர்களையும் ஹோண்டா நிறுவனம் விற்பனை செய்து வருகிறது. இதனிடையே ஹோண்டா நிறுவனம் ஸ்கூப்பி என்ற ஸ்கூட்டரை அறிமுகம் செய்ய உள்ளது. இந்தியாவிலும் இந்த ஸ்கூட்டருக்கு ஹோண்டா நிறுவனம் காப்புரிமை பெற்றுள்ளது. அதன்படியே, இந்திய சந்தையிலும் இந்த ஸ்கூட்டர் விற்பனைக்கு கொண்டு வரப்படும் என எதிர்பார்க்கப்படுகிறது. மேலும், ஸ்கூப்பி ஸ்கூட்டரின் 2023 மாடலை ஹோண்டா நிறுவனம் இந்தோனேஷியாவில் அறிமுகம் செய்துள்ளது.
ஹோண்டா ஸ்கூட்டர்
பல அம்சங்களுடன் இந்தியாவில் அறிமுகமாகும் ஹோண்டா ஸ்கூப்பி ஸ்கூட்டர்
ஸ்கூப்பி மாடல் ஆனது, மொத்தம் 4 வேரியண்ட்களில் 2023 ஹோண்டா ஸ்கூப்பி ஸ்கூட்டர் கிடைக்கும். இதில், செல்போன்களை சார்ஜ் செய்து கொள்ள வசதியாக யூஎஸ்பி சார்ஜர் வழங்கப்பட்டுள்ளது. ஸ்மார்ட் கீ வசதியும் இதில் அறிமுகப்படுத்தப்பட்டுள்ளது. இந்த ஸ்கூட்டரின் முன் பகுதியில் டிஸ்க் பிரேக்கும், பின் பகுதியில் ட்ரம் பிரேக்கும் வழங்கப்பட்டுள்ளன. 109.5 சிசி சிங்கிள் சிலிண்டர் இன்ஜின் பொருத்தப்பட்டுள்ளது. அதிகபட்சமாக 9 பிஹெச்பி பவர் மற்றும் 9.3 என்எம் டார்க் திறனை உருவாக்குகிறது. இதுமட்டுமின்றி, ஹோண்டா ஆக்டிவா எலெக்ட்ரிக் ஸ்கூட்டரும் (Electric Scooter) இந்திய வாடிக்கையாளர்கள் மத்தியில் மிகப்பெரிய எதிர்பார்ப்புகளை ஏற்படுத்தியுள்ளது.