அமெரிக்க செனட் பதவிக்கு போட்டியிடும் முதல் Gen Z அமெரிக்க-தமிழர்: யாரிந்த அஸ்வின் ராமசாமி?
செய்தி முன்னோட்டம்
24 வயதான மென்பொருள் பொறியியலாளர் அஸ்வின் ராமசாமி, மாநில செனட் தேர்தலில் போட்டியிடுவதன் மூலம் அமெரிக்க அரசியலில் நுழையும் முதல் Gen Z இந்திய-அமெரிக்கர் என்ற பெயரை எடுத்துள்ளார்.
ஜெனரேஷன் Z என்பது 1997- 2012க்குள் பிறந்த தலைமுறையை குறிக்கும் சொல்லாகும்.
அவர் இரண்டாம் தலைமுறை குடியேறிய இந்திய-அமெரிக்கர் ஆவார்.
அவரது பெற்றோர் 1990களில் தமிழ்நாட்டிலிருந்து அமெரிக்காவுக்கு சென்றனர்.
அஸ்வின் ராமசாமி தேர்தலில் நின்று தேர்ந்தெடுக்கப்பட்டால், ஜார்ஜியாவின் 48வது மாவட்டத்தின் முதல் இந்திய-அமெரிக்க மாநில செனட்டராக அவர் இருப்பார்.
மேலும் அவர் வெற்றி பெற்றால், அவர் ஜார்ஜியாவின் முதல் Gen Z மாநில செனட்டராகவும், கணினி அறிவியல் மற்றும் சட்டப் பட்டம் பெற்ற ஒரே ஜார்ஜியா மாநில சட்டமன்ற உறுப்பினராகவும் இருப்பார்.
அமெரிக்கா
யாரிந்த அஸ்வின் ராமசாமி?
அஸ்வின் ராமசாமி 24 வயதான மென்பொருள் பொறியாளர் ஆவார்.
அவர் ஒரு சிவில் ஊழியராக இணைய பாதுகாப்பு மற்றும் தேர்தல் பாதுகாப்பில் பணிபுரிந்திருக்கிறார்.
தொழில்நுட்பம், சட்டம் மற்றும் கொள்கை ஆராய்ச்சி தொடர்பான வேலைகளிலும் அவர் பணியாற்றியுள்ளார்.
ஜார்ஜியாவை பூர்வீகமாகக் கொண்ட ராமசாமி, பொது நலனுக்காக தொழில்நுட்பத்தைப் பயன்படுத்துவதற்கும் வேலைகளை உருவாக்குவதற்கும் இலாப நோக்கற்ற நிறுவனங்கள் மற்றும் சிறு வணிகங்களுடன் பணியாற்றியுள்ளார்.
இரண்டாம் தலைமுறை இந்திய-அமெரிக்கரான ராமசாமியின் பெற்றோர் இருவரும் தகவல் தொழில்நுட்பத் துறையைச் சேர்ந்தவர்கள் ஆவர். அவர்கள் 1990களில் தமிழ்நாட்டிலிருந்து அமெரிக்காவிற்கு குடிபெயர்ந்தனர்.
தான் ஒரு இந்து என்றும், தனது வாழ்நாள் முழுவதும் இந்திய கலாச்சாரம் மீதும் தத்துவங்கள் மீதும் தனக்கு மிகுந்த ஆர்வம் இருந்திருக்கிறது என்றும் அஸ்வின் ராமசாமி கூறியுள்ளார்.