ஹமாஸின் உயர்மட்ட தலைவர் இஸ்மாயில் ஹனியே ஈரானில் கொல்லப்பட்டார்; இஸ்ரேல் மீது குற்றம் சாட்டும் ஹமாஸ்
செய்தி முன்னோட்டம்
ஹமாஸின் உயர்மட்ட தலைவர் இஸ்மாயில் ஹனியே புதன்கிழமை அதிகாலை தெஹ்ரானில் உள்ள அவரது இல்லத்தை குறிவைத்து நடத்தப்பட்ட தாக்குதலில் கொல்லப்பட்டதாக ஈரானின் இஸ்லாமிய புரட்சிகர காவல்படை (IRGC) ஒரு அறிக்கையில் தெரிவித்துள்ளது.
இதனை ராய்ட்டர்ஸ் செய்தி வெளியிட்டு உறுதி செய்துள்ளது.
காசாவில் இஸ்ரேலுடன் போரில் ஈடுபட்ட பாலஸ்தீனிய அமைப்பான ஹமாஸ், தெஹ்ரானில் உள்ள அதன் தலைவர் இஸ்மாயில், அவரது இல்லத்தில் "இஸ்ரேல்" நடத்திய தாக்குதலில் கொல்லப்பட்டதாகவும், உடன் அவரது மெய்க்காப்பாளர் ஒருவரும் கொல்லப்பட்டதாகவும் கூறியது.
ஹமாஸ் தனது அறிக்கையில், "தெஹ்ரானில் உள்ள அவரது இல்லத்தில் ஒரு துரோக சியோனிஸ்ட் தாக்குதலில்" ஹனியே கொல்லப்பட்டதாகக் கூறியது.
எதிர்வினை
தாக்குதலுக்கு பதிலடி தயாராக இருப்பதாக இஸ்ரேல் பதில்
செவ்வாயன்று, கத்தாரில் இருந்து ஹமாஸின் அரசியல் நடவடிக்கைகளுக்கு தலைமை தாங்கிய ஹனியே, ஈரான் ஜனாதிபதி மசூத் பெசெஷ்கியானின் பதவியேற்பு விழாவில் கலந்து கொண்டார் என்பது குறிப்பிடத்தக்கது.
ஈரானின் உச்ச தலைவர் அயதுல்லா அலி கமேனியையும் அவர் சந்தித்தார்.
இதற்கிடையே இஸ்ரேல் தனது இராணுவம் எந்த சூழ்நிலையிலும் முழுமையாக தயாராக உள்ளது என தெரிவித்ததாக என்று தி நியூயார்க் டைம்ஸ் செய்தி வெளியிட்டுள்ளது.
லெபனான் போராளிக் குழுவான ஹெஸ்பொல்லாவின் உயர்மட்ட தளபதி ஃபுவாட் ஷுக்ரைக் கொன்றதாக இஸ்ரேல் பாதுகாப்புப் படைகள் (IDF) கூறிய ஒரு நாளுக்குப் பிறகு இந்த வளர்ச்சி வந்துள்ளது.
இஸ்ரேல் ஆக்கிரமித்துள்ள கோலன் குன்றுகளில் 12 குழந்தைகளைக் கொன்ற ட்ரோன் தாக்குதலுக்குப் பின்னால் ஃபுவாட் ஷுக்ர் இருப்பதாக இஸ்ரேல் கூறியது.