அமெரிக்காவில் தெற்கு மற்றும் மேற்கு பகுதிகளில் கடும் புயல் வெள்ளம்; 16 பேர் பலி
செய்தி முன்னோட்டம்
தெற்கு மற்றும் மத்திய மேற்குப் பகுதிகளில் கடுமையான புயல்கள், வெள்ளம் மற்றும் சூறாவளி தொடர்ந்து தாக்கும் நிலையில், இதில் சிக்கி அமெரிக்கா முழுவதும் 16 பேர் இறந்துள்ளனர்.
உயிரிழந்தவர்களில், டென்னசியில் மட்டும் 10 பேர் உயிரிழந்துள்ளதாக தகவல்கள் தெரிவிக்கின்றன.
பல மாநிலங்களில் பரவலான வெள்ளப்பெருக்கு ஏற்படும் என்றும், ஆறுகள் பெரும் வெள்ளப்பெருக்கு நிலையை எட்டியுள்ளதாகவும், முக்கியமான உள்கட்டமைப்பு அச்சுறுத்தலுக்கு உள்ளாகியுள்ளதாகவும் அமெரிக்காவின் தேசிய வானிலை சேவை எச்சரித்துள்ளது.
டெக்சாஸ் முதல் ஓஹியோ வரையில் கனமழை ஏற்கனவே பல பகுதிகளை மூழ்கடித்துள்ளது, இதனால் திடீர் வெள்ள அவசரநிலைகள் ஏற்பட்டுள்ளன, சாலைகள், பாலங்கள் மற்றும் வீடுகள் சேதமடைந்துள்ளன.
டஜன் கணக்கான பகுதிகள் ஆபத்தான வெள்ள அபாய எச்சரிக்கையில் உள்ளன என்று தேசிய வானிலை சேவை தெரிவித்துள்ளது.
உள்கட்டமைப்பு
உள்கட்டமைப்பு சீர்குலைவால் விநியோகத்தில் சிக்கல்
வெள்ளம், முக்கியமான போக்குவரத்து வழித்தடங்களில், குறிப்பாக லூயிஸ்வில்லி மற்றும் மெம்பிஸில் உள்ள கப்பல் மையங்களைச் சுற்றியுள்ள வர்த்தகத்தை பாதிக்கிறது.
உள்கட்டமைப்பு சீர்குலைவு காரணமாக விநியோகச் சங்கிலி தாமதங்கள் ஏற்படக்கூடும் என்று அக்யூவெதர் எச்சரிக்கிறது.
இதற்கிடையில், டிரம்ப் நிர்வாகத்தின் போது ஏற்பட்ட ஆட்குறைப்பு நடவடிக்கைகளைத் தொடர்ந்து அதன் அலுவலகங்களில் கிட்டத்தட்ட 20% காலியிட விகிதங்களை எதிர்கொள்வதால், தேசிய வானிலை சேவையின் பணியாளர்கள் குறித்து கவலைகள் எழுந்துள்ளன.
லூயிஸ்வில் மேயர் கிரெய்க் க்ரீன்பெர்க் கூறுகையில், ஓஹியோ நதி 24 மணி நேரத்தில் ஐந்து அடி உயர்ந்ததாகவும், நகர வரலாற்றில் முதல் பத்து வெள்ள நிகழ்வுகளில் இதுவும் ஒன்றாக இருக்கும் என்று எதிர்பார்ப்பதாகவும் கூறியுள்ளார்.