சிந்து நதிநீர் ஒப்பந்தத்தை மாற்றியமைக்க பாகிஸ்தானுக்கு நோட்டீஸ் அனுப்பிய இந்தியா
செய்தி முன்னோட்டம்
சிந்து நதி நீரை பகிர்ந்து கொள்ள 1960ம் ஆண்டு செப்டம்பர் 19ம் தேதி இந்தியாவிற்கும் பாகிஸ்தானிற்கும் இடையில் ஒப்பந்தம் போடப்பட்டுள்ளது.
அப்போதைய இந்திய பிரதமர் ஜவஹர்லால் நேருவும், பாகிஸ்தான் அதிபர் முகமது அயூப் கானும் இந்த ஒப்பந்தத்தில் கையெழுத்திட்டு உள்ளார்கள்.
உலக வங்கி இதில் மூன்றாவது சாட்சியாக கையெழுத்திட்டது என்று கூறப்படுகிறது.
இதனையடுத்து சிந்து நதி நீர் இரு கூறுகளாக பிரிக்கப்பட்டு, கிழக்கு பகுதி நதி நீர் இந்தியாவிற்கு என்றும், மேற்கு பகுதி நீர் பாகிஸ்தானுக்கும் பயன்பாட்டிற்கு உரிமை அளிக்கப்பட்டது.
கிழக்கு பகுதி ஆறுகளின் நீரை இழந்ததற்காக பாகிஸ்தானுக்கு இழப்பீட்டு தொகை வழங்கப்பட்டது என்றும் கூறப்படுகிறது.
இந்தியா சார்பில் நோட்டிஸ்
சிந்து நதிநீர் ஒப்பந்தத்தை மீறும் பாகிஸ்தான்-சிந்து ஆணைய வட்டாரங்கள் தகவல்
இந்த ஒப்பந்தம் தொடர்பான தரவுகள், ஒத்துழைப்புகளுக்காக 'சிந்து ஆணையம்' அமைக்கப்பட்டது.
இந்த ஆணையத்திற்காக இரு நாடுகள் சார்பிலும் ஒரு ஆணையர்கள் நியமிக்கப்படுவது குறிப்பிடவேண்டியவை.
இந்நிலையில் சிந்து நதிநீர் ஒப்பந்தத்தில் மாற்றம் செய்ய வேண்டும் என்று கோரி இந்தியா சார்பில் பாகிஸ்தானுக்கு நோட்டிஸ் அனுப்பப்பட்டுள்ளது.
இந்த நோட்டீஸ் கடந்த ஜனவரி 25ம் தேதி அந்தந்த ஆணையர்கள் மூலம் வழங்கப்பட்டுள்ளதாக கூறப்படுகிறது.
இது குறித்து, சிந்து நதிநீர் ஆணைய வட்டாரங்கள் பாகிஸ்தானின் நடவடிக்கைகள் சிந்து நதிநீர் ஒப்பந்தத்தை மீறும் வகையில் உள்ளது என்று தெரிவிக்கிறது.
இதன் காரணமாக தான் ஒப்பந்தத்தை மாற்றுவதற்கான தகுந்த அறிவிப்பை வெளியிட வேண்டிய கட்டாயம் இந்தியாவிற்கு ஏற்பட்டுள்ளது என்றும் கூறப்படுகிறது குறிப்பிடத்தக்கது.