கடந்த 5 ஆண்டுகளில் $13 பில்லியன் மதிப்புள்ள ஆயுதங்களை ரஷ்யா இந்தியாவுக்கு வழங்கி உள்ளது
செய்தி முன்னோட்டம்
கடந்த ஐந்தாண்டுகளில் ரஷ்யா இந்தியாவிற்கு சுமார் 13 பில்லியன் டாலர் மதிப்புள்ள ஆயுதங்களை வழங்கி உள்ளதாகவும் 10 பில்லியனுக்கும் அதிகமான ஆயுதங்களை தற்போது இந்தியா ஆர்டர் செய்துள்ளதாகவும் செய்திகள் வெளியாகி உள்ளன. ரஷ்யாவின் தற்போதைய ஆர்டர் புத்தகத்தில் சுமார் 20% ரஷ்ய ஆயுதங்களை வாங்கும் உலகின் மிகப்பெரிய நாடாக இந்தியா உள்ளது. மேலும், உக்ரைன் மீதான ரஷ்யாவின் படையெடுப்பை இந்திய அரசு இதுவரை வெளிப்படையாகக் கண்டிக்கவில்லை. இந்த மோதல் ஆரம்பித்து 12 மாதங்கள் ஆகிவிட்ட நிலையில், பேச்சு வார்த்தை மூலம் இந்த பிரச்சனையை முடிவுக்கு கொண்டுவர பிரதமர் மோடி அழைப்பு விடுத்திருந்தார். இந்த படையெடுப்பிற்கு பதிலளிக்கும் விதமாக, பல மேற்கத்திய நாடுகள் ரஷ்யா மீது ஆயுதங்கள் உட்பட பொருளாதாரத் தடைகளை விதித்தன.
இந்தியா
இராணுவ-தொழில்நுட்ப ஒத்துழைப்பில் முக்கிய பங்காளியாக இருக்கும் இந்தியா
இந்தியா, சீனா மற்றும் சில தென்கிழக்கு ஆசிய நாடுகள் ரஷ்ய ஆயுதங்களை வாங்குவதில் தங்கள் ஆர்வத்தைத் தக்கவைத்துள்ளன என்று ரஷ்யாவின் இராணுவ-தொழில்நுட்ப ஒத்துழைப்புக்கான பெடரல் சேவையின் தலைவர் டிமிட்ரி ஷுகேவ் தெரிவித்துள்ளார். உக்ரைன் மோதல் தொடர்பாக "மேற்கத்திய நாடுகளில் இருந்து இந்தியாவுக்கு அழுத்தம் இருந்தபோதிலும், இராணுவ-தொழில்நுட்ப ஒத்துழைப்பில் ரஷ்யாவின் முக்கிய பங்காளிகளில் ஒன்றாக இந்தியா இருந்து வருகிறது." என்று அவர் கூறியுள்ளார். ரஷ்யாவின் S-400 பாதுகாப்பு அமைப்புகள், ஓசா, பெச்சோரா அல்லது ஸ்ட்ரெலா போன்ற ஏவுகணை அமைப்புகள், Su-30 போர் விமானங்கள், MiG-29 ஹெலிகாப்டர்கள் மற்றும் ட்ரோன்கள்வ ஆகியவற்றில் ஆசிய வாடிக்கையாளர்கள் ஆர்வமாக உள்ளதாக அவர் கூறி இருக்கிறார்.