'என்னை 10 ஆண்டுகள் சிறை வைக்க திட்டமிடுகிறார்கள்': இம்ரான் கான் குற்றச்சாட்டு
செய்தி முன்னோட்டம்
தேச துரோகக் குற்றச்சாட்டின் கீழ் தன்னை அடுத்த 10 ஆண்டுகளுக்கு சிறையில் வைத்திருக்க அந்நாட்டின் ராணுவம் திட்டமிட்டுள்ளதாக பாகிஸ்தான் முன்னாள் பிரதமர் இம்ரான் கான் குற்றம் சாட்டியுள்ளார்.
இது குறித்து அவர் ட்விட்டரில் பதிவு செய்துள்ளார்.
"இப்போது முழுமையான லண்டன் திட்டம் அம்பலமாகி உள்ளது. நான் சிறைக்குள் இருந்தபோது வன்முறையை சாக்காகப் பயன்படுத்தி, அவர்கள் நீதிபதி, ஜூரி மற்றும் மரணதண்டனை செய்பவர் போன்றவர்கள் மூலம் செயல்பட்டனர். புஷ்ரா பேகத்தை(கானின் மனைவி) சிறையில் அடைத்து என்னை அவமானப்படுத்துவதே இப்போது அவர்களது திட்டம். மேலும் சில தேசத்துரோகச் சட்டத்தைப் பயன்படுத்தி அடுத்த பத்து வருடங்களுக்கு என்னை உள்ளே வைத்திருக்க திட்டமிட்டுள்ளனர்." என்று அவர் கூறியுள்ளார்.
details
இம்ரான் கான் மேலும் கூறி இருப்பதாவது:
யாரும் அவர்களை எதிர்த்துவிடாமல் இருக்க, அவர்கள் இரண்டு விஷயங்களைச் செய்திருக்கிறார்கள்--முதலில் PTI தொழிலாளர்கள் மீது மட்டுமல்லாமல், சாதாரண குடிமக்கள் மீதும் வேண்டுமென்றே பயங்கரவாதம் கட்டவிழ்த்துவிடப்பட்டுள்ளது. இரண்டாவதாக, ஊடகங்கள் முற்றிலுமாக கட்டுப்படுத்தப்பட்டு செயல்படுத்தப்படுகிறது.
நாளை என்னை கைது செய்யும்போது, மக்கள் யாரும் வெளியே வரக்கூடாது என்பதை உறுதிசெய்ய மக்களிடையே அச்சத்தை ஏற்படுத்தும் முயற்சியே இது. நாளை அவர்கள் மீண்டும் இணைய சேவைகளை நிறுத்தி சமூக ஊடகங்களை தடை செய்வார்கள். இதற்கிடையில், வீடுகள் உடைக்கப்பட்டு, போலீசாரால் வீடுகளில் உள்ள பெண்கள் தவறாக கையாளப்படுகிறார்கள்.
பாகிஸ்தான் மக்களுக்கு எனது செய்தி என்னவென்றால், கடைசித் துளி ரத்தம் இருக்கும் வரை ஹக்கீகி ஆசாதிக்காக நான் போராடுவேன். இந்த ஏமாற்றுக்காரர்களுக்கு அடிமையாக இருப்பதை விட மரணிப்பதே மேல்.