டொனால்ட் டிரம்பை துப்பாக்கியால் சுட்டவர் நோக்கம் இன்னும் தெளிவாக இல்லை: FBI
செய்தி முன்னோட்டம்
அமெரிக்காவின் முன்னாள் ஜனாதிபதி டொனால்ட் டிரம்ப் மீதான துப்பாக்கி சூடு முயற்சியில் குற்றவாளி, டிரம்ப் மற்றும் ஜனாதிபதி ஜோ பைடன் ஆகிய இருவரின் நிகழ்வுகளை ஆன்லைனில் தேடியுள்ளார் என FBI தெரிவித்துள்ளது.
அவர் கடந்த ஐந்து ஆண்டுகளில் வெடிபொருட்கள் பற்றிய தகவல்களைப் பார்த்து, கடந்த மாதம் அவர் துப்பாக்கிச் சூடு நடத்திய பென்சில்வேனியா பிரச்சார பேரணியை "வாய்ப்பு" என்று தீர்மானித்ததாக கூறப்படுகிறது.
இதனை ஒரு மூத்த FBI அதிகாரி AP இடம் புதன்கிழமை தெரிவித்தார்.
ஏறக்குறைய 1,000 முறை குற்றவாளி தாமஸ் மேத்யூ க்ரூக்ஸ்-இடம் விசாரணை நடத்திய புலனாய்வாளர்களுக்கு ஜூலை மாத பிரச்சார பேரணியின் போது டிரம்பை ஏன் சுட்டார் என்பதற்கான உள்நோக்கம் புலப்படவில்லை என அவர் மேலும் தெரிவித்தார்.
பேரணி விவரங்கள்
பேரணி அறிவிக்கப்பட்டதும் அதன் விவரங்களை தேடிய குற்றவாளி
ஜூலை 13ஆம் தேதி பென்சில்வேனியாவின் பட்லரில் டிரம்ப் பேரணி அறிவிக்கப்பட்டதும், குற்றவாளி குறிப்பிட்ட நிகழ்வில் அதிக கவனம் செலுத்தினார் என்றும் அதை வாய்ப்பின் இலக்காகப் பார்த்தார் என்றும் ரோஜெக் கூறினார்.
பேரணிக்கு முந்தைய நாட்களில் க்ரூக்ஸின் இணையத் தேடல்களில், பேரணி நடைபெற்ற மைதானம் பற்றிய கேள்விகள்- பட்லர் ஃபார்ம் ஷோவில் டிரம்ப் எங்கிருந்து பேசுவார்? பட்லர் ஃபார்ம் ஷோ போடியம் மற்றும் பட்லர் ஃபார்ம் ஷோ புகைப்படங்கள் உள்ளிட்டவைகளை தேடியது கண்டுபிடிக்கப்பட்டது.
தாக்குதலுக்கு 30 நாட்களுக்கு முன்பு, க்ரூக்ஸ், பைடன் மற்றும் டிரம்ப் தொடர்பான 60 க்கும் மேற்பட்ட இணையத் தேடல்களை மேற்கொண்டார் எனவும், இதில் ஜனநாயக மற்றும் குடியரசுக் கட்சியின் தேசிய மாநாடுகளின் தேதிகளைத் தேடினார் எனவும் FBI இயக்குநர் வெளிப்படுத்தினார்.