'என்னது நாயை புடிச்சி சாப்பிடறாங்களா!'; டொனால்ட் டிரம்பின் பேச்சால் ஷாக் ஆகி பதுங்கிய கோல்டன் ரெட்ரீவர்
செய்தி முன்னோட்டம்
ஓஹியோவின் ஸ்பிரிங்ஃபீல்டில் குடியேறிய வெளிநாட்டவர்களால் நாய்கள் உண்ணப்படுகின்றன என்று அமெரிக்க முன்னாள் அதிபர் டொனால்ட் டிரம்ப் கூறியதற்கு கோல்டன் ரெட்ரீவர் என்ற நாய் செய்த செயல் ஒன்று வைரலாகி வருகிறது.
புதன்கிழமை (செப்டம்பர் 11) கமலா ஹாரிஸ் மற்றும் டொனால்ட் டிரம்பின் முதல் ஜனாதிபதி விவாதத்திற்குப் பிறகு எக்ஸ் தளத்தில் இந்த வீடியோ வெளியிடப்பட்டுள்ளது.
அந்த வீடியோவில் ஒரு சோபாவில் அமர்ந்து, கோல்டன் ரெட்ரீவர் தனக்கு முன்னால் இருந்த தொலைக்காட்சியில் ஜனாதிபதி விவாதத்தைப் பார்த்துக் கொண்டிருந்தது.
இதை நாயின் உரிமையாளர் பதிவு செய்துகொண்டிருந்த நிலையில், நாய் புலம்பெயர்ந்தவர்களால் உண்ணப்படுவதாக டிரம்ப் கூறினார்.
இதைக் கேட்டவுடன் அந்த கோல்டன் ரெட்ரீவர் பயந்து, தனது இருக்கையை விட்டு வெளியேறி சோபாவின் பின்னால் ஒளிந்து கொண்டது.
ட்விட்டர் அஞ்சல்
வைரலாகும் காணொளி
THEY'RE EATING THE DOGS pic.twitter.com/lQqMW5l8pT
— Tarquin 🇺🇦 (@Tarquin_Helmet) September 11, 2024
அமெரிக்க ஜனாதிபதி தேர்தல்
சூடுபிடிக்கும் அமெரிக்க ஜனாதிபதி தேர்தல்
கோல்டன் ரெட்ரீவர் நாயின் செயல் இணையத்தில் வைரலாகி வரும் நிலையில், அதற்கு பலரும் நகைச்சுவையாக கருத்து தெரிவித்து வருகின்றனர்.
இதற்கிடையே, நவம்பரில் நடக்க உள்ள அமெரிக்கத் தேர்தலுக்கு முன்னதாக, புதன்கிழமை கருக்கலைப்பு உரிமைகள், பொருளாதாரம், குடியேற்றம் மற்றும் எல்லைப் பிரச்சனைகள் மற்றும் இஸ்ரேல்-காசா போர் உள்ளிட்ட பல விஷயங்களில் கமலா ஹாரிஸ் மற்றும் டொனால்ட் டிரம்ப் விவாதம் செய்தனர்.
இருப்பினும், குடியேற்றக் கொள்கை குறித்த விவாதப் பிரிவின் போது, ட்ரம்ப் தற்போது வைரலான தவறான கூற்றை தெரிவித்தார்.
டொனால்ட் டிரம்பின் இந்த கருத்து சமூக ஊடகங்களில் வெளியான வதந்திகளை அடிப்படையாகக் கொண்டது.
அதிக எண்ணிக்கையிலான ஹைத்தி குடியேறிகளைக் கொண்ட ஸ்பிரிங்ஃபீல்டில், செல்லப்பிராணிகள் மற்றும் வாத்துகள் கடத்தப்படுகின்றன.