இந்தியாவுக்கு எதிரான ஒருநாள் தொடர்; 15 வீரர்கள் பட்டியலை வெளியிட்டது வெஸ்ட் இண்டீஸ்
வெஸ்ட் இண்டீஸ் கிரிக்கெட் அணிக்கு எதிரான டெஸ்ட் தொடரை இந்திய அணி 1-0 என வென்ற பிறகு, இரு அணிகளும் மூன்று போட்டிகள் கொண்ட ஒருநாள் கிரிக்கெட் தொடரில் வியாழக்கிழமை (ஜூலை 27) பார்படாஸில் தொடங்க உள்ளது. இந்த தொடருக்கான அணியை இந்தியா ஏற்கனவே அறிவித்திருந்த நிலையில், டெஸ்ட் தொடர் முடிந்த பிறகு, தற்போது வெஸ்ட் இண்டீஸ் தங்கள் அணியை அறிவித்துள்ளது. வெஸ்ட் இண்டீஸ் கிரிக்கெட் வாரியம் அறிவித்துள்ள 15 பேர் கொண்ட அணிக்கு ஷாய் ஹோப் தலைமை தாங்க உள்ளார். நிக்கோலஸ் பூரன் தற்போது அமெரிக்காவின் மேஜர் லீக் கிரிக்கெட்டில் விளையாடி வரும் நிலையில், ஷாய் ஹோப் விக்கெட் கீப்பராகவும் செயல்பட உள்ளார்.
வெஸ்ட் இண்டீஸ் அணி வீரர்களின் பட்டியல்
டி20 உலகக் கோப்பை வெளியேற்றத்திற்குப் பிறகு முதல்முறையாக ஷிம்ரோன் ஹெட்மையர் தேசிய அணிக்கு திரும்பியதன் மூலம், இரண்டு ஆண்டுகளில் தனது முதல் ஒருநாள் போட்டியில் விளையாட உள்ளார். ஹெட்மையர் மட்டுமல்லாது வேகப்பந்து வீச்சாளர் ஓஷேன் தாமஸும் அணிக்கு திரும்ப அழைக்கப்பட்டுள்ளார். இந்திய ஒருநாள் போட்டிகளுக்கான வெஸ்ட் இண்டீஸ் அணி: ஷாய் ஹோப், ரோவ்மேன் பவல், அலிக் அதானாஸ், யானிக் கரியா, கீசி கார்டி, டொமினிக் டிரேக்ஸ், ஷிம்ரோன் ஹெட்மியர், அல்ஸாரி ஜோசப், பிராண்டன் கிங், கைல் மேயர்ஸ், குடகேஷ் மோட்டி, கேவின் ஷீஃபர், ரோமரியோக்ல் சீல்ஸ், ரோமரியோக்ல் சீல்ஸ். காத்திருப்பு வீரர்கள்: டென்னிஸ் புல்லி, ரோஸ்டன் சேஸ், மெக்கென்னி கிளார்க், கவேம் ஹாட்ஜ், ஜெய்ர் மெக்கலிஸ்டர், ஓபேட் மெக்காய், கெவின் விக்காம்.
