"கஷ்டமா இருந்துச்சா?" : ராகுல் டிராவிட்டின் கேள்விக்கு விராட் கோலியின் தெறி பதில்
1,200 நாட்களுக்கும் மேலான இடைவெளிக்குப் பிறகு, ஆஸ்திரேலியாவுக்கு எதிரான அகமதாபாத் டெஸ்டின் முதல் இன்னிங்ஸில் இந்தியாவுக்காக 186 ரன்கள் எடுத்து விராட் கோலி டெஸ்டில் சதமடித்தார். போட்டிக்கு பின்னர் இந்திய அணியின் தலைமை பயிற்சியாளர் ராகுல் டிராவிட். கோலியிடம் இவ்வளவு நீண்ட காலமாக டெஸ்ட் சதம் அடிக்காதது கஷ்டமாக இருந்ததா என்று கேட்டார். அதற்குப் விராட் கோலி அளித்த பதிலில் தான் சிக்கலில் இருந்ததை வெளிப்படையாக ஒப்புக்கொண்டதோடு, தான் சதமடிக்காமல் போனதை விட, அணிக்கு தன்னால் ஸ்கோர் எடுக்க முடியவில்லை என்பது தான் கடினமாக இருந்தது என்று கூறினார். பிசிசிஐ இந்த காணொளியை தனது ட்விட்டர் பக்கத்தில் பகிர்ந்துள்ள நிலையில், ரசிகர்கள் பலரும் இது குறித்து கருத்து தெரிவித்து வருகின்றனர்.
