ஐபிஎல் 2023 : விருது வென்றவர்களின் முழு பட்டியல்
செய்தி முன்னோட்டம்
இரண்டு மாதங்களாக நடந்து வந்த ஐபிஎல் 2023 தொடர் முடிவுக்கு வந்துள்ள நிலையில், சென்னை சூப்பர் கிங்ஸ் (சிஎஸ்கே) அணி இந்த ஆண்டுக்கான பட்டத்தை வென்றுள்ளது.
அகமதாபாத்தில் நடந்த இறுதிப் போட்டியில் சிஎஸ்கே ஐந்து விக்கெட் வித்தியாசத்தில் (டிஎல்எஸ் முறை) குஜராத் டைட்டன்ஸை தோற்கடித்தது.
இது சிஎஸ்கேவின் ஐந்தாவது ஐபிஎல் பட்டமாகும். இதற்கிடையே ஐபிஎல் 2023 தொடருக்கான ஆரஞ்சு தொப்பியை வென்ற ஆறாவது இந்தியர் ஆனார் ஷுப்மன் கில்.
முகமது ஷமி ஐபிஎல் 2023க்கான பர்ப்பிள் தொப்பியை வென்று, இந்த சாதனையை படைத்த ஏழாவது இந்திய பந்துவீச்சாளர் ஆனார்.
ஆரஞ்சு தொப்பி மற்றும் பர்ப்பிள் நிற தொப்பியை வென்றவர்கள் ஒரே அணியில் இருப்பது இது நான்காவது முறையாகும்.
list of ipl 2023 awardees
ஐபிஎல் 2023 வளர்ந்து வரும் வீரராக யஜஸ்வி ஜெய்ஸ்வால் தேர்வு
ராஜஸ்தான் ராயல்ஸ் அணியின் இளம் வீரர் யஷஸ்வி ஜெய்ஸ்வால் சீசனின் வளர்ந்து வரும் வீரருக்கான விருதை வென்றார்.
விருது வென்ற வீரர்களின் முழு பட்டியல் பின்வருமாறு :-
இறுதி போட்டியின் ஆட்டநாயகன் : டெவோன் கான்வே
சீசனின் சூப்பர் ஸ்ட்ரைக்கர்: க்ளென் மேக்ஸ்வெல் (ஸ்ட்ரைன் ரேட்: 183.48)
சீசனின் மிகவும் மதிப்புமிக்க வீரர்: ஷுப்மன் கில்
சீசனில் அதிக பவுண்டரிகள்: ஷுப்மான் கில் (85)
சீசனின் தூரமான சிக்ஸர் : ஃபாஃப் டு பிளெஸ்ஸிஸ் (115 மீட்டர்)
சீசனின் சிறந்த கேட்ச்: ரஷித் கான்
ஃபேர்பிளே விருது: டெல்லி கேப்பிடல்ஸ்
சிறந்த மைதானங்கள்: ஈடன் கார்டன்ஸ் (கொல்கத்தா) மற்றும் வான்கடே ஸ்டேடியம் (மும்பை).