இங்கிலாந்து வேகப்பந்து வீச்சாளர் ஸ்டீவ் ஃபின் கிரிக்கெட்டிலிருந்து ஓய்வு
செய்தி முன்னோட்டம்
இங்கிலாந்து கிரிக்கெட் அணியின் வீரர் ஸ்டீவ் ஃபின் அனைத்து வகையான கிரிக்கெட்டில் இருந்தும் ஓய்வு பெறுவதாக அறிவித்துள்ளார்.
வலது கை வேகப்பந்து வீச்சாளரான ஸ்டீவ் ஃபின் 2010-2017க்கு இடையில் இங்கிலாந்து கிரிக்கெட் அணிக்காக விளையாடியுள்ளார்.
ஃபின் இங்கிலாந்து அணிக்காக விளையாடிய காலத்தில், அந்த அணி மூன்று முறை ஆஷஸ் பட்டங்களை வென்றுள்ளது மற்றும் அவர் இங்கிலாந்தின் உள்நாட்டு கிரிக்கெட் போட்டிகளில் ஒரு முக்கிய வீரராக இருந்தார்.
34 வயதான அவர் கடந்த ஆண்டு சசெக்ஸ் அணியில் விளையாட ஒப்பந்தம் செய்தார். ஆனால் முழங்காலில் ஏற்பட்ட காயம் காரணமாக அவர் தொடரிலிருந்து விலக வேண்டிய சூழல் ஏற்பட்டது.
அப்போதிருந்து உடற்தகுதியை மேம்படுத்த கடுமையாக போராடிய ஸ்டீவ் ஃபின், தற்போது கிரிக்கெட்டிலிருந்து ஓய்வு பெற்றுள்ளார்.
Steve Finn numbers in cricket
கிரிக்கெட்டில் ஸ்டீவ் ஃபின்னின் புள்ளி விபரங்கள்
2010ஆம் ஆண்டு வங்கதேசத்தின் சட்டோகிராமில் நடந்த டெஸ்ட் கிரிக்கெட் போட்டியின் போது இங்கிலாந்து அணிக்காக ஸ்டீவ் ஃபின் சர்வதேச அரங்கில் அறிமுகமானார்.
அவர் இங்கிலாந்துக்காக 36 டெஸ்ட் போட்டிகளில் விளையாடி 30.40 சராசரியில் 125 விக்கெட்டுகளை வீழ்த்தினார். இதில் 5 முறை ஐந்து விக்கெட்டுகளை வீழ்த்தியுள்ளார்.
2017இல் தென்னாப்பிரிக்காவுக்கு எதிராக லார்ட்ஸ் மைதானத்தில் நடந்த டெஸ்ட் போட்டியில் விளையாடியது அவரது கடைசி சர்வதேச போட்டியில் விளையாடினார்.
ஃபின் இங்கிலாந்து அணிக்காக 69 ஒருநாள் மற்றும் 21 டி20 போட்டிகளில் முறையே 102 மற்றும் 27 விக்கெட்டுகளை வீழ்த்தியுள்ளார்.
மேலும் முதல்தர கிரிக்கெட்டில் 570, லிஸ்ட் ஏ கிரிக்கெட்டில் 201 மற்றும் டி20 கிரிக்கெட்டில் 176 விக்கெட்டுகளை எடுத்துள்ளார்.