களத்தில் கோல்கீப்பருடன் மோதல்: ஸ்பெயின் கால்பந்து வீரர் ஜீசஸ் டி மிகுவல் உயிரிழப்பு
செய்தி முன்னோட்டம்
ஸ்பெயினின் இரண்டாம் பிரிவு கால்பந்து லீக் போட்டியின் போது மைதானத்தில் நிகழ்ந்த எதிர்பாராத விபத்தில், முன்னணி ஸ்பெயின் கால்பந்து வீரர் ஜீசஸ் டி மிகுவல் (30) பரிதாபமாக உயிரிழந்தார். திங்கள்கிழமை நடைபெற்ற விறுவிறுப்பான போட்டியின் கடைசி வினாடிகளில், ஆண்டோரா அணியின் கோல்கீப்பர் ஜீசஸ் ஒவோனோ பந்தை தடுக்க வேகமாக வெளியே வந்தபோது, பந்தைத் துரத்திச் சென்ற மிகுவல் மீது பலமாக மோதினார். இதில் நெஞ்சைப் பிடித்தபடி சரிந்த மிகுவல், பின்னர் அசைவற்று மைதானத்திலேயே கிடந்தார். உடனடியாக அவருக்கு முதலுதவி அளிக்கப்பட்டு ஆட்டம் பாதியிலேயே கைவிடப்பட்டது.
போட்டிகள் ஒத்திவைப்பு
சிவப்பு அட்டை மற்றும் தீவிர சிகிச்சை
கால்பந்து போட்டியின்போது நிகழ்ந்த மோதலில் கோல்கீப்பர் ஒவோனோவுக்கு சிவப்பு அட்டை காட்டப்பட்டது.
இதில் படுகாயமடைந்து உயிருக்கு ஆபத்தான நிலையில் தீவிர சிகிச்சை பெற்று வந்த சிடி டெனரிஃப் அணியின் 30 வயது வீரர் மிகுவல், சிகிச்சை பலனின்றி உயிரிழந்தார்.
இவரது மறைவுக்கு ரியல் மாட்ரிட், பார்சிலோனா உள்ளிட்ட முன்னணி அணிகள் இரங்கல் தெரிவித்துள்ளன.
மரியாதை செலுத்தும் விதமாக செவ்வாய்க்கிழமை நடைபெறவிருந்த போட்டிகளை ஸ்பெயின் கால்பந்து கூட்டமைப்பு ரத்து செய்துள்ளது.
குறைந்த லீக்குகளிலிருந்து டெனரிஃப் அணியில் இணைந்த இளம் வீரரின் மறைவு, கால்பந்து உலகை மிகுந்த சோகத்தில் ஆழ்த்தியுள்ளது.
ட்விட்டர் அஞ்சல்
Twitter Post
🖤 Con el corazón roto y devastados, queremos mandar nuestro más sincero pésame a la familia de Jesús de Miguel, a todos sus compañeros, amigos y al CD Tenerife
— FC Andorra (@fcandorra) November 3, 2026
Descanse en paz