ஐபிஎல் வரலாற்றில் முதல்முறை; மூன்று வெவ்வேறு அணிகளுக்கு கேப்டனாக இருந்து சாதனை படைக்கும் முதல் இந்தியர் ஷ்ரேயாஸ் ஐயர்
செய்தி முன்னோட்டம்
ஐபிஎல் 2025 சீசனுக்கு முன்னதாக பஞ்சாப் கிங்ஸ் (பிபிகேஎஸ்) கேப்டனாக இந்தியாவின் டாப் ஆர்டர் பேட்டர் ஷ்ரேயாஸ் ஐயர் நியமிக்கப்பட்டுள்ளார்.
ஐபிஎல் 2024 சீசனில் கொல்கத்தா நைட் ரைடர்ஸ் அணியின் கேப்டனாக பட்டத்தை வென்ற ஷ்ரேயாஸ் ஐயர், நவம்பர் ஏலத்தின் போது பஞ்சாப் கிங்ஸ் அணியால் ரூ.26.75 கோடி ரூபாய்க்கு வாங்கியது.
இது அவரை ஐபிஎல் வரலாற்றில் இரண்டாவது அதிக விலையுயர்ந்த வீரர் ஆக்கியது.
இதற்கிடையே, கேப்டன் நியமனம் மூலம் பிபிகேஎஸ், டெல்லி கேபிடல்ஸ் மற்றும் கொல்கத்தா நைட் ரைடர்ஸ் ஆகிய மூன்று வெவ்வேறு ஐபிஎல் அணிகளை கேப்டனாக வழிநடத்தும் முதல் இந்திய வீரர் என்ற சாதனை படைத்துள்ளார்.
சாதனை
மூன்று வெவ்வேறு ஐபிஎல் அணிகளை வழிநடத்திய வீரர்கள்
ஐபிஎல் வரலாற்றில் மூன்று வெவ்வேறு அணிகளை வழிநடத்தும் முதல் இந்திய வீரர் என்ற சாதனையை படைத்த ஷ்ரேயாஸ் ஐயர், ஒட்டுமொத்தமாக இதைச் செய்யும் நான்காவது வீரர் ஆவார்.
முன்னதாக, குமார் சங்கக்காரா டெக்கான் சார்ஜர்ஸ், கிங்ஸ் லெவன் பஞ்சாப் மற்றும் சன்ரைசர்ஸ் ஹைதராபாத் அணிகளுக்கு கேப்டனாக இருந்துள்ளார்.
இதேபோல் மஹேல ஜெயவர்த்தனே டெல்லி கேப்பிடல்ஸ், கொச்சி டஸ்கர்ஸ் கேரளா, மற்றும் கிங்ஸ் லெவன் பஞ்சாப் அணிகளுக்கும், ஸ்டீவ் ஸ்மித் புனே வாரியர்ஸ் இந்தியா, ரைசிங் புனே சூப்பர்ஜெயன்ட்மற்றும் ராஜஸ்தான் ராயல்ஸ் அணிகளுக்கு கேப்டனாக இருந்துள்ளார்.
இதற்கிடையே, ஷ்ரேயாஸ் ஐயர் பஞ்சாப் கிங்ஸ் அணியில் பயிற்சியாளர் ரிக்கி பாண்டிங்குடன் இணைகிறார்.
முன்னதாக, இருவரும் 2020இல் டெல்லி கேப்பிடல்ஸ் அணி பட்டம் பெற வழிநடத்தியது குறிப்பிடத்தக்கது.