புவனேஸ்வர் குமாரை இந்திய அணியில் புறக்கணிக்க கூடாது : ஆஷிஷ் நெஹ்ரா
செய்தி முன்னோட்டம்
இந்திய கிரிக்கெட் அணியின் தற்போதைய கட்டமைப்பில் வேகப்பந்து வீச்சாளர் புவனேஸ்வர் குமார் தேர்வுக்குழுவின் ஆதரவை இழந்து அணியில் முழுமையாக புறக்கணிக்கப்பட்டுள்ளார். கடைசியாக நவம்பர் 2022இல் இந்தியாவுக்காக விளையாடிய வலது கை வேகப்பந்து வீச்சாளரான புவனேஸ்வர் குமார், அதன் பின்னர் இந்தியாவின் திட்டங்களில் இருந்து விலகிவிட்டார். இருப்பினும், அவர் உள்நாட்டு சுற்றுகளில், குறிப்பாக டி20 போன்ற குறுகிய வடிவிலான ஆட்டத்தில் ஒரு தாக்கமான பந்துவீச்சாளராக இருந்துள்ளார். முன்னதாக செப்டம்பரில் நடந்த உபி டி20இன் தொடக்கப் பதிப்பில், புவனேஸ்வர் 9 போட்டிகளில் 14 விக்கெட்டுகளை வீழ்த்தி அதிக விக்கெட்டுகளை வீழ்த்தியவர்களில் முதலிடம் பிடித்தார். மேலும், அவர் சையத் முஷ்டாக் அலி டிராபி 2023இல் 7 போட்டிகளில் விளையாடி 16 விக்கெட்டுகளுடன் வேகத்தைத் தொடர்ந்தார்.
Ashish Nehra bats for Bhuvneshwar kumar to include in Indian Team
புவனேஸ்வர் குமாருக்கு ஆதரவாக ஆஷிஷ் நெஹ்ரா கருத்து
தென்னாப்பிரிக்கா கிரிக்கெட் அணிக்கு எதிராக ஒருநாள், டெஸ்ட் மற்றும் டி20 போட்டிகளில் இந்தியா விளையாட உள்ள நிலையில், இந்த தொடரில் புவனேஸ்வர் குமார் தேர்வு செய்யப்படுவார் என எதிர்பார்க்கப்பட்டது. ஆனால், பிசிசிஐ அவரை தவிர்த்துவிட்டு, இளம் வீரர்களுக்கு அணியில் வாய்ப்பு கொடுத்துள்ளது. இந்நிலையில், இந்திய அணியின் முன்னாள் தலைவர் ஆஷிஷ் நெஹ்ரா, தென்னாப்பிரிக்காவுக்கான வரவிருக்கும் பயணத்திற்கு புவனேஸ்வரை தேர்வாளர்கள் புறக்கணித்தது குறித்து தனது கவலையை எழுப்பியுள்ளார். ஜியோ சினிமாவில் பேசிய நெஹ்ரா, சுற்றுப்பயணத்திற்கான தேர்வில் தான் ஆச்சரியப்படவில்லை என்றாலும், புவனேஸ்வர் மீதும் தேர்வுக்குழுவினர் ஒரு கண் வைத்திருக்க வேண்டும் என்றும் கூறினார். இதற்கிடையே, ஐபிஎல் 2024க்கு புவனேஸ்வரை சன்ரைசர்ஸ் ஹைதராபாத் அணி தக்கவைத்துள்ளது.