'இந்தியா செல்ல தடையில்லா சான்றிதழ் கிடைக்கல' : அதிருப்தியில் வீடியோ வெளியிட்ட கால்பந்து வீரர்கள்!
செய்தி முன்னோட்டம்
ஜூன் 21 முதல் இந்தியாவின் பெங்களூரில் நடைபெறவுள்ள 2023 எஸ்ஏஎப்எப் சாம்பியன்ஷிப்பில் பங்கேற்க பாகிஸ்தான் கால்பந்து கூட்டமைப்பு இன்னும் அரசாங்கத்திடம் இருந்து அனுமதி பெறவில்லை.
பாகிஸ்தான் கால்பந்து கூட்டமைப்பு இயல்பாக்குதல் குழுவின் உறுப்பினரான ஷாஹித் கோகர், "வெளிநாடுகளுக்குச் செல்லும் அனைத்து விளையாட்டு வீரர்களும் அணிகளும் பாகிஸ்தான் அரசின் விளையாட்டு வாரியத்திடம் தடையில்லாச் சான்றிதழுக்கு விண்ணப்பிக்க வேண்டும்.
இதையொட்டி பாகிஸ்தான் விளையாட்டு வாரியம் விளையாட்டு அமைச்சகம் மற்றும் வெளியுறவு அமைச்சகத்திடம் அனுமதி பெற்று தடையில்லா சான்றிதழ் வழங்கும்.
தடையில்லா சான்றிதழ் கிடைத்ததும் நாங்கள் விசாவிற்கு விண்ணப்பிக்கலாம்." என்று கூறியுள்ளார்.
pakistan football players shares video
வீடியோ வெளியிட்ட பாகிஸ்தான் கால்பந்து வீரர்கள்
பாகிஸ்தான் கால்பந்து கூட்டமைப்பு மே 25 அன்று 2023 எஸ்ஏஎப்எப் சாம்பியன்ஷிப் மற்றும் மொரீஷியஸில் ஜூன் 11-17 வரை திட்டமிடப்பட்டுள்ள நான்கு நாடுகளின் போட்டிகளில் பங்கேற்க தடையில்லா சான்று கோரி விண்ணப்பித்தது.
மொரீசியஸ் நாட்டிற்கு ஜூன் 8 ஆம் தேதி கிளம்ப உள்ள நிலையில், அதற்கு முன் தடையில்லா சான்றிதழ் பெற வேண்டும்.
மேலும் ஜூன் 21 ஆம் தேதி எஸ்ஏஎப்எப் சாம்பியன்ஷிப்பிற்காக விசாவுக்கு விண்ணப்பிக்க வேண்டும்.
தடையில்லா சான்றிதழ் கிடைப்பதில் தாமதம் அடைந்து வருவதால், பாகிஸ்தான் ஆடவர் கால்பந்து அணி வீரர்கள் சமூக வலைதளங்களில் வீடியோ வெளியிட்டு விரைந்து தடையில்லா சான்றிதழ் வழங்குமாறு கோரிக்கை விடுத்துள்ளனர்.