இரண்டாவது முறையாக ஆண்டின் சிறந்த கால்பந்து வீரர் விருதை வென்ற லியோனல் மெஸ்ஸி
2022 ஆம் ஆண்டுக்கான சிறந்த பிபா கால்பந்து விருதுகளில், ஆண்டின் சிறந்த வீரராக லியோனல் மெஸ்ஸி தேர்ந்தெடுக்கப்பட்டார். பிரெஞ்சு வீரர்களான கைலியன் எம்பாப்பே மற்றும் கரீம் பென்சிமா ஆகியோரை வீழ்த்தி மெஸ்ஸி இந்த விருதை வென்றுள்ளார். மெஸ்ஸி தனது 2வது சிறந்த பிபா விருதை கைப்பற்றி கிறிஸ்டியானோ ரொனால்டோ மற்றும் ராபர்ட் லெவன்டோவ்ஸ்கி ஆகியோரின் சாதனையை சமன் செய்துள்ளார். இரண்டாவது முறையாக விருதை வென்ற மெஸ்ஸி, "இது ஆச்சரியமாக இருக்கிறது. இது எனக்கு ஒரு மகத்தான ஆண்டாகும். இங்கு வந்து இந்த விருதை வென்றது எனக்கு கிடைத்த மரியாதை. எனது அணி வீரர்கள் இல்லாமல் நான் இங்கு வந்திருக்க முடியாது." என தெரிவித்துள்ளார்.
விருது பெற்றவர்களின் பட்டியல்
2022 ஆம் ஆண்டின் சிறந்த வீரர் தவிர சிறந்த வீராங்கனை, கோல்கீப்பர், பயிற்சியாளர் உள்ளிட்ட பல்வேறு பிரிவிலும் விருதுகள் வழங்கப்பட்டுள்ளன. விருது பெற்றவர்களின் பட்டியல் பின்வருமாறு:- சிறந்த ஆடவர் வீரர் : லியோனல் மெஸ்ஸி சிறந்த மகளிர் வீராங்கனை : அலெக்ஸியா புட்டெல்லாஸ் சிறந்த ஆடவர் கோல்கீப்பர் : எமிலியானோ மார்டினெஸ் சிறந்த மகளிர் கோல்கீப்பர் : மேரி ஏர்ப்ஸ் சிறந்த ஆடவர் பயிற்சியாளர்: லியோனல் ஸ்கலோனி சிறந்த மகளிர் பயிற்சியாளர் : சரினா விக்மேன் சிறந்த புஸ்காஸ் விருது : மார்சின் ஓலெக்ஸி சிறந்த ரசிகர் விருது : அர்ஜென்டினா ரசிகர்கள் சிறந்த ஃபேர் பிளே விருது : லூகா லோச்சோஷ்விலி
