'ஃபினிஷிங் சரியில்லையேப்பா' : சஞ்சு சாம்சனின் பேட்டிங் பர்பார்மன்ஸ் குறித்து முன்னாள் கிரிக்கெட் வீரர் கருத்து!
செய்தி முன்னோட்டம்
முன்னாள் கிரிக்கெட் வீரர் ஆகாஷ் சோப்ரா, ராஜஸ்தான் ராயல்ஸ் அணியின் கேப்டன் சஞ்சு சாம்சனுக்கு உள்ள ஒரு பெரிய பிரச்சனை என்னவென்றால், அவர் ஐபிஎல் சீசனை நன்றாகத் தொடங்குவார் என்றும், பின்னர் போகப்போக மோசமடைந்து விடுகிறார் எனத் தெரிவித்துள்ளார்.
ஐபிஎல் 2023 இல் சஞ்சு சாம்சன் அரைசதத்துடன் சீசனை நன்றாகத் தொடங்கினார்.
எனினும் பின்னர் அவரது ஸ்கோர்கள் சீரற்றதாக இருந்தன.
எஸ்ஆர்எச் மற்றும் கேகேஆருக்கு எதிரான ஆட்டங்களில் சற்று முன்னேறினாலும், ஆர்சிபிக்கு எதிராக மீண்டும் சறுக்கினார். ஐபிஎல் 2023 இல், சாம்சன் இதுவரை 13 போட்டிகளில் 360 ரன்கள் எடுத்துள்ளார்.
aakash chopra speaks about sanju samson performance
சஞ்சு சாம்சன் குறித்து பேசிய ஆகாஷ் சோப்ரா
ஐபிஎல் 2023 தொடரின் 66வது போட்டியில் வெள்ளிக்கிழமை (மே 19) நடக்க உள்ள பஞ்சாப் கிங்ஸ் மற்றும் ராஜஸ்தான் ராயல்ஸ் அணிக்கு இடையேயான போட்டிக்கு முன்னதாக தனது யூடியூப் சேனலில்ஆகாஷ் சோப்ரா பேசினார்.
அதில், கடைசி ஆட்டத்தில் ஆர்சிபிக்கு எதிராக மோசமான ஆட்டத்தை வெளிப்படுத்திய ராஜஸ்தான் ராயல்ஸின் டாப் ஆர்டரில் 3 பேட்டர்களை சிறப்பாக செயல்படுமாறு வலியுறுத்தினார்.
சஞ்சு சாம்சன் சீசனை நன்றாகத் தொடங்கினாலும் பின்னர் மோசமாக செயல்படும் போக்கை கொண்டிருந்தாலும், இந்த போட்டியிலாவது சில ரன்கள் எடுக்க வேண்டும் என்று கூறினார்.
மேலும் போட்டியில் ஐந்துக்கும் மேற்பட்ட பந்துவீச்சாளர்களுடன் ராஜஸ்தான் ராயல்ஸ் அணி விளையாடும் என்று நம்புவதாக அவர் கூறினார்.