டெல்லி கேப்பிடல்ஸ் vs ராயல் சேலஞ்சர்ஸ் பெங்களூர் நேருக்கு நேர் புள்ளிவிபரம்
ஐபிஎல் 2023 தொடரின் 50வது போட்டியில் சனிக்கிழமை (மே 6) இரவு 7.30 மணிக்கு டெல்லி அருண் ஜெட்லீ மைதானத்தில் டெல்லி கேப்பிடல்ஸ் மற்றும் ராயல் சேலஞ்சர்ஸ் பெங்களூர் அணிகள் மோதுகின்றன. நடப்பு ஐபிஎல் சீசனில் ராயல் சேலஞ்சர்ஸ் பெங்களூர் 9 போட்டிகளில் 5 இல் வெற்றி பெற்று புள்ளிப்பட்டியலில் ஐந்தாவது இடத்தில் உள்ளது. மறுபுறம் டெல்லி கேப்பிடல்ஸ் 9 போட்டிகளில் 3 இல் மட்டுமே வெற்றி பெற்று புள்ளிப்பட்டியலில் கடைசி இடத்தில் உள்ளது. இரு அணிகளும் இதுவரை 29 போட்டிகளில் நேருக்கு நேர் மோதியுள்ள நிலையில், ராயல் சேலஞ்சர்ஸ் பெங்களூர் 18 போட்டிகளிலும், டெல்லி கேப்பிடல்ஸ் 10 போட்டிகளிலும் வெற்றி பெற்றுள்ளன. ஒரு போட்டி முடிவில்லாமல் முடிந்துள்ளது.
போட்டியில் வீரர்கள் எட்ட வாய்ப்புள்ள சாதனைகள்
ஐபிஎல் வரலாற்றில் 7,000 ரன்களை கடந்த முதல் வீரர் என்ற சாதனையை படைக்க விராட் கோலிக்கு இன்னும் 12 ரன்கள் தேவை. மேலும் விராட் கோலி இன்னும் ஒரு அரைசதம் அடித்தால் ஐபிஎல்லில் 50 அரைசதங்கள் அடித்த டேவிட் வார்னரின் சாதனையை சமன் செய்வார். ஹர்ஷல் படேல் இன்னும் ஒரு விக்கெட்டுகள் எடுத்தால் டி20 கிரிக்கெட்டில் 200 விக்கெட்டுகள் எனும் மைல்கல்லை எட்டுவார். ரோவ்மேன் பவல் 54 ரன்கள் எடுத்தால் டி20 கிரிக்கெட்டில் 3,000 ரன்களை எட்டுவார். முஸ்தாபிசுர் ரஹ்மான் இன்னும் 3 விக்கெட்டுகளை எடுத்தால் ஐபிஎல்லில் 50 விக்கெட்டுகள் எனும் மைல்ஸ்டோனை எட்டுவார். வனிந்து ஹசரங்க டி20 கிரிக்கெட்டில் 200 விக்கெட் எனும் மைல்ஸ்டோனை எட்ட இன்னும் 5 விக்கெட்டுகள் தேவை.
இந்த காலவரிசையைப் பகிரவும்