உலக இளைஞர் பளுதூக்கும் சாம்பியன்ஷிப்பில் இந்திய வீரருக்கு வெண்கலம்
அல்பேனியாவின் டுரெஸ் நகரில் நடைபெற்ற ஐடபிள்யூஎஃப் உலக இளைஞர் சாம்பியன்ஷிப் போட்டியில் இந்திய பளுதூக்கும் வீரர் பரலி பெடப்ரேட் 67 கிலோ எடைப்பிரிவில் வெண்கலப் பதக்கம் வென்றார். திங்கள்கிழமை (மார்ச் 27) இரவு 15 வயதான அவர் மொத்தம் 267 கிலோ தூக்கி மூன்றாவது இடத்தைப் பிடித்தார். ஆர்மேனியாவின் செரியோஷா பர்செக்யான் 275 கிலோ மற்றும் சவுதி அரேபியாவின் முகமது அல் மர்சூக் 270 கிலோ தூக்கி தங்கம் மற்றும் வெள்ளிப் பதக்கங்களை வென்றனர். இதற்கிடையே பெண்களுக்கான 49 கிலோ பிரிவில், கோயல் பார் ஒன்பதாவது இடத்தையும், 55 கிலோ பிரிவில் இந்தியாவின் மினா சாண்டா 153 கிலோ எடையை தூக்கி 13வது இடத்தைப் பிடித்தார்.
