இந்தியாvsதென் ஆப்பிரிக்கா - இன்று நடக்கும் கடைசி டி20 தொடர்
செய்தி முன்னோட்டம்
இந்திய கிரிக்கெட் அணி, சுற்றுப்பயணமாக தென்னாப்பிரிக்காவுக்கு சென்றுள்ள நிலையில் அங்கு 3 டி20 தொடர் போட்டியில் விளையாடி வருகிறார்கள்.
முதல் போட்டி மழை காரணமாக ரத்து செய்யப்பட்டது.
அதனை தொடர்ந்து 2வது போட்டி நேற்று(டிச.,13) கெபேஹா மைதானத்தில் நடந்தது.
இந்தியா-தென் ஆப்பரிக்கா இடையே நடைபெற்ற இப்போட்டியில் 5 விக்கெட்கள் வித்தியாசத்தில் தென் ஆப்பரிக்கா வெற்றிபெற்று முன்னிலை வகிக்கிறது.
அதன்படி இந்த இரு அணிகளுக்கான கடைசி டி20 போட்டி இன்று(டிச.,14) இரவு 8.30 மணிக்கு ஜோகன்னஸ்பர்க் என்னும் பகுதியில் நடைபெறவுள்ளது.
தங்கள் சொந்த நாட்டில் களமிறங்கும் தென்னாப்பிரிக்கா கிரிக்கெட் அணி வெற்றியினை பெறும் நோக்கில் தயாராகி வருகின்றனர் என்று கூறப்படுகிறது.
போட்டி
இரவில் மழை பெய்ய 25% வாய்ப்புள்ளதாக வானிலை ஆய்வு மையம் தகவல்
முன்னதாக, இந்தியா இந்த மைதானத்தில் இதுவரை 5 போட்டிகளில் விளையாடியுள்ள நிலையில், 3 போட்டிகளில் வெற்றி பெற்றதாகவும், 2 போட்டிகளில் தோல்வியை தழுவியதாகவும் தகவல்கள் தெரிவிக்கிறது.
இந்நிலையில் இன்று நடக்கவுள்ள இந்த கடைசி டி20 கிரிக்கெட் போட்டியில் எப்படியாவது வெற்றியினை கைப்பற்ற வேண்டும் என்னும் முனைப்போடு இந்திய அணி தயாராகி வருகிறது.
இதனிடையே, போட்டி நடைபெறவுள்ள பகுதியில் வானம் மேகமூட்டத்துடன் காணப்படும் என்றும்,
இரவில் மழை பெய்ய 25% வாய்ப்புள்ளது என்றும் வானிலை ஆய்வு மையம் தெரிவித்துள்ளது.
இதனால் இந்த கடைசி போட்டி முழுமையாக நடைபெறுமா?என்னும் சந்தேகம் எழுந்துள்ளது.
ட்விட்டர் அஞ்சல்
3வது டி20 கிரிக்கெட் தொடர்
#JUSTIN இந்தியா- தெ.ஆப்பிரிக்கா கடைசி டி-20 போட்டி #India #Africa #T20 #Cricketmatch #News18tamilnadu | https://t.co/uk2cvptM3n pic.twitter.com/oFueiIgOuD
— News18 Tamil Nadu (@News18TamilNadu) December 14, 2023