இந்தியா vs ஆஸ்திரேலியா 5வது T20I : ஆஸ்திரேலிய அணிக்கு 161 ரன்கள் இலக்கு நிர்ணயம்
செய்தி முன்னோட்டம்
இந்தியா vs ஆஸ்திரேலியா இடையேயான ஐந்தாவது டி20 கிரிக்கெட் போட்டியில் இந்திய அணி ஆஸ்திரேலியாவுக்கு 161 ரன்களை வெற்றி இலக்காக நிர்ணயித்துள்ளது.
முன்னதாக, ஞாயிற்றுக்கிழமை (டிசம்பர் 3) பெங்களூர் எம் சின்னச்சாமி மைதானத்தில் நடந்த இந்த போட்டியில் டாஸ் வென்ற ஆஸ்திரேலிய கிரிக்கெட் அணி முதலில் பந்துவீச்சைத் தேர்வு செய்தது.
இதையடுத்து பேட்டிங் செய்ய களமிறங்கிய இந்திய அணியின் தொடக்க ஆட்டக்காரர்களாக யஷஸ்வி ஜெய்ஸ்வால் 21 ரன்களும், ருதுராஜ் கெய்க்வாட் 10 ரன்களும் எடுத்து அவுட்டாகி வெளியேறினர்.
எனினும், மூன்றாவது இடத்தில் களமிறங்கிய ஷ்ரேயாஸ் ஐயர் ஒரு புறம் நிலைத்து நின்று அணியை மீட்டெடுத்து ஸ்கோரை உயர்த்தினார்.
India vs Australia 5th T20I Australia need 161 runs to win
ஷ்ரேயாஸ் ஐயர் அரைசதம்
இந்திய கிரிக்கெட் அணியின் கேப்டன் சூர்யகுமார் யாதவ் 5 ரன்களிலும், ரிங்கு சிங் 6 ரன்களிலும் அவுட்டாக 10வது ஓவரில் 4 விக்கெட் இழப்பிற்கு 55 ரன்களுடன் தடுமாற ஆரம்பித்தது.
எனினும், அதன் பின்னர் ஷ்ரேயாஸுடன் ஜோடி ஜிதேஷ் ஷர்மா 24 ரன்களும், அதன் பின்னர் அக்சர் படேல் 31 ரன்களும் எடுத்தனர்.
மறுமுனையில் அவுட்டாகாமல் நிலைத்து நின்ற ஷ்ரேயாஸ் ஐயர் அரைசதம் அடித்து 53 ரன்களில் இருந்தபோது கடைசி ஓவரில் அவுட்டானார்.
இதன் மூலம், இந்திய அணி இறுதியில் 20 ஓவர்கள் முடிவில் 8 விக்கெட் இழப்பிற்கு 160 ரன்கள் எடுத்துது.
ஆஸ்திரேலிய அணியில் சிறப்பாக பந்துவீசிய ஜேசன் பெஹ்ரன்டோர்ஃப் மற்றும் பென் ட்வார்ஷூயிஸ் தலா 2 விக்கெட்டுகளை வீழ்த்தினர்.