எஸ்ஏஎப்எப் கால்பந்து கோப்பை 2023 : ஒரே குழுவில் இந்தியா-பாகிஸ்தான்!
ஜூன் 21 முதல் ஜூலை 4 வரை பெங்களூருவில் நடைபெறும் எஸ்ஏஎப்எப் கால்பந்து கோப்பையில் இந்தியாவும் பாகிஸ்தானும் ஒரு குழுவில் இடம் பெற்றுள்ளன. எஸ்ஏஎப்எப் 14வது சீசனை நடத்த தெற்காசிய கால்பந்து கூட்டமைப்பின் கூட்டத்தில் இந்த முடிவு எடுக்கப்பட்டுள்ளது. நடப்பு சாம்பியனான இந்தியா, பாகிஸ்தான், குவைத் மற்றும் நேபாளம் ஆகியவை குரூப் ஏ பிரிவில் இடம்பெற்றுள்ளன. குரூப் பி பிரிவில் லெபனான், மாலத்தீவு, பங்களாதேஷ் மற்றும் பூட்டான் ஆகிய நாடுகள் உள்ளன. குரூப் போட்டிகள் ரவுண்ட்-ராபின் லீக் முறையில் நடைபெறும் மற்றும் ஒவ்வொரு குழுவிலும் முதல் இரண்டு இடங்களை பிடிக்கும் அணிகள் அரையிறுதிக்கு தகுதி பெறும். போட்டியை சுவாரஷ்யமாக்க தெற்காசியாவிற்கு வெளியே உள்ள லெபனான் மற்றும் குவைத் ஆகிய இரு நாடுகளும் அழைக்கப்பட்டுள்ளன.
எஸ்ஏஎப்எப் கோப்பை போட்டி அட்டவணை விபரம்
ஜூன் 21: குவைத் vs நேபாளம், மாலை 3.30 மணி; இந்தியா vs பாகிஸ்தான், இரவு 7.30 மணி. ஜூன் 22: லெபனான் vs பங்களாதேஷ், மாலை 3.30; மாலைதீவு vs பூடான், இரவு 7.30. ஜூன் 24: பாகிஸ்தான் vs குவைத், மாலை 3.30; நேபாளம் vs இந்தியா, இரவு 7.30. ஜூன் 25: பங்களாதேஷ் vs மாலத்தீவுகள், மாலை 3.30; பூட்டான் vs லெபனான், இரவு 7.30. ஜூன் 27: நேபாளம் vs பாகிஸ்தான், மாலை 3.30; இந்தியா vs குவைத், இரவு 7.30. ஜூன் 28: லெபனான் vs மாலத்தீவுகள், மாலை 3.30; பூடான் vs பங்களாதேஷ், இரவு 7.30. ஜூலை 1: அரையிறுதிப்போட்டி. ஜூலை 4: இறுதிப்போட்டி.
