இந்திய அணியை 'Chockers' என கிண்டலடிப்பதை நிராகரிக்கும் ரவி சாஸ்திரி
செய்தி முன்னோட்டம்
10 ஆண்டுகளாக ஐசிசி கோப்பைகளை வெல்ல முடியாமல் இந்திய கிரிக்கெட் அணி தடுமாறி வருவதால், சோக்கர்ஸ்(chockers) என கிண்டலாக இந்திய அணியை குறிப்பிடுவதை முன்னாள் தலைமை பயிற்சியாளர் ரவி சாஸ்திரி கண்டித்துள்ளார்.
ஆங்கிலத்தில் சோக்கர்ஸ் என்ற சொல்லை, கிரிக்கெட்டில் தொடர்ந்து சிறப்பாக செயல்பட்டு வரும் வீரர்கள்/அணிகள் முக்கியமான நாக் அவுட் கட்டத்தில் சரியாக செயல்படாமல் தொடர்ந்து சொதப்பி வருவதை குறிக்கும்.
முன்னதாக தென்னாப்பிரிக்க அணியை இந்த வார்த்தையுடன் அடையாளப்படுத்தி வந்த நிலையில், 2013க்கு பிறகு இந்திய அணி பலமுறை ஐசிசி இறுதி, அரையிறுதி போட்டிகள் வரை முன்னேறியும் கோப்பையை வெல்ல முடியாமல் போனதால் சோக்கர்ஸ் அடைமொழியை பெற்றுள்ளது.
குறிப்பாக உலக டெஸ்ட் சாம்பியன்ஷிப் இறுதிப்போட்டி தோல்விக்கு பிறகு இந்த சொல் அதிகமாக உபயோகிக்கப்பட்டது.
ravi shastri denies chokkers tag
சோக்கர்ஸ் என இந்திய அணியை அடையாளப்படுத்துவது குறித்து ரவி சாஸ்திரி கருத்து
இந்திய அணியின் முன்னாள் பயிற்சியாளர் ரவி சாஸ்திரி, 'சோக்கர்ஸ்' என அடையாளப்படுத்துவதை நிராகரித்து, இந்தியா வலுவான அணியைக் கொண்டுள்ளது மற்றும் அவர்கள் சமீபத்தில் சிறப்பாகச் செயல்பட்டு ஐசிசி போட்டிகளில் அரையிறுதி மற்றும் இறுதிப் போட்டியை எட்டியுள்ளனர் என்று சுட்டிக்காட்டினார்.
மேலும், ஐசிசி கோப்பையை வெல்லாததற்காக ஒரு நபரைக் குறை கூறுவதும் நியாயமற்றது என்று அவர் கூறினார்.
ஐசிசி போட்டிகளில் ஆடும்போது பேட்டர்கள் மிகப்பெரிய அளவில் ரன் குவிப்பது அவசியம் என்று சாஸ்திரி மேலும் வலியுறுத்தினார்.
டெஸ்ட், ஒருநாள் மற்றும் டி20 என எதுவாக இருந்தாலும், குறைந்தது ஒரு பேட்டர் 100 ரன்கள் அல்லது குறைந்தது மூன்று பேட்டர்கள் 50 ரன்கள் எடுக்காவிட்டால், பந்துவீச்சாளர்களால் எதுவும் செய்ய முடியாது என்று கூறினார்.