சர்வதேச டி20 கிரிக்கெட்டில் 100 விக்கெட் எடுத்த முதல் இந்தியர் : தீப்தி சர்மா சாதனை!
சர்வதேச டி20 போட்டிகளில் 100 விக்கெட்டுகளை கடந்த முதல் இந்திய கிரிக்கெட்டர் என்ற பெருமையை தீப்தி சர்மா பெற்றுள்ளார். மகளிர் டி20 உலகக்கோப்பையில் வெஸ்ட் இன்டீஸுக்கு எதிரான குரூப் பி போட்டியின் போது, 3 விக்கெட்டுகளை எடுத்த நிலையில், தீப்தி இந்த சாதனையை படைத்தார். மகளிர் கிரிக்கெட்டில் பூனம் யாதவ் 98 விக்கெட்டுகள் எடுத்ததே இந்திய வீராங்கனை ஒருவரின் அதிகபட்ச டி20 விக்கெட் சாதனையாக இருந்த நிலையில், தீப்தி அதை முறியடித்து மகளிர் டி20யில் இந்திய அணியின் சார்பாக அதிக விக்கெட் எடுத்தவர் என்ற சாதனையை படைத்துள்ளார். இதற்கிடையே, இந்திய ஆடவர் கிரிக்கெட் வீரர்களில் லெக் ஸ்பின்னர் யுஸ்வேந்திர சாஹல் தான் டி20யில் 91 விக்கெட்களுடன் முதலிடத்தில் உள்ளார்.