ஐபிஎல் 2023 : ஆர்சிபி அணிக்கு மிகப்பெரும் பின்னடைவு! வில் ஜாக்ஸ் காயம் காரணமாக விலகல்!
ராயல் சேலஞ்சர்ஸ் பெங்களூர் (ஆர்சிபி) அணியில் இடம் பெற்றிருந்த இங்கிலாந்து வீரர் வில் ஜாக்ஸ் காயம் காரணமாக 2023 ஐபிஎல்லில் இருந்து விலகியுள்ளார். 2022 டிசம்பரில் நடந்த ஐபிஎல் மினி ஏலத்தில் ஜாக்ஸ் ராயல் சேலஞ்சர்ஸ் பெங்களூர் அணியால் ரூ.3.2 கோடிக்கு வாங்கப்பட்டார். மிர்பூரில் பங்களாதேஷுக்கு எதிரான இரண்டாவது ஒருநாள் போட்டியில் பீல்டிங் செய்யும் போது அவருக்கு தசையில் காயம் ஏற்பட்டது. மேலும் இந்த வார தொடக்கத்தில் ஸ்கேன் செய்து ஒரு நிபுணருடன் கலந்தாலோசித்த பிறகு, அவர் ஐபிஎல்லில் இருந்து வெளியேற வேண்டிய கட்டாயம் ஏற்பட்டது. இந்த காயம் ஜாக்ஸுக்கு ஒரு குறிப்பிடத்தக்க அடியாகும். 50 ஓவர் உலகக் கோப்பைக்கான முன்னதாக இந்திய நிலைமைகளை நன்கு அறிந்துகொள்ள இந்த போட்டியைப் பயன்படுத்த திட்டமிட்டிருந்தார்.
வில் ஜாக்ஸுக்கு மாற்றாக மைக்கேல் பிரேஸ்வெல்லை இணைக்க ஆர்சிபி முடிவு
ராயல் சேலஞ்சர்ஸ் பெங்களூர், நியூசிலாந்து ஆல்ரவுண்டரான மைக்கேல் பிரேஸ்வெல்லுடன் ஜாக்ஸுக்குப் பதிலாக அணியில் இணைத்துக் கொள்வது குறித்து ஆலோசித்து வருவதாக கூறப்படுகிறது. பிரேஸ்வெல் இதற்கு முன்பு ஐபிஎல்லில் விளையாடியதில்லை. மேலும் டிசம்பர் மாத ஏலத்தில் அடிப்படையாக விலையாக ரூ.1 கோடி இருந்த நிலையில். அவரை யாரும் ஏலம் எடுக்கவில்லை என்பது குறிப்பிடத்தக்கது. ஐபிஎல் 2023 சீசனில் ஆர்சிபி அணி முதல் ஆட்டத்தை ஏப்ரல் 2 அன்று மும்பை இந்தியன்ஸுக்கு எதிராக விளையாடுகிறது. மேலும் இந்த போட்டி அவர்களது சொந்த மைதானமான பெங்களூரின் எம்.சின்னசாமி ஸ்டேடியத்தில் நடக்க உள்ளது.
