AUSvsENG : இங்கிலாந்து அணிக்கு 287 ரன்கள் இலக்கு நிர்ணயித்த ஆஸ்திரேலியா
ஆஸ்திரேலியா - இங்கிலாந்து அணிகளுக்கு இடையேயான 36வது-லீக் போட்டியானது அகமதாபாத் மைதானத்தில் மிகவும் விறுவிறுப்பாக நடந்து வருகிறது. இப்போட்டிக்கான டாஸை வென்ற இங்கிலாந்து அணியின் கேப்டன் ஜோஸ் பட்லர் பவ்லிங் தேர்வு செய்த நிலையில், ஆஸ்திரேலியா களத்தில் இறங்கி பேட்டிங் செய்தது. அதன்படி, 286 ரன்கள் எடுத்து ஆல்-அவுட் ஆகியது. இதன்மூலம் இங்கிலாந்து அணிக்கு 287 ரன்கள் இலக்கு நிர்ணயம் செய்யப்பட்டுள்ளது. இதுவரை விளையாடிய 6 போட்டிகளில் ஆஸ்திரேலிய அணி 4 போட்டிகளில் வெற்றியடைந்து புள்ளிப்பட்டியலில் 4வது இடத்திலுள்ளது. இங்கிலாந்து அணி ஒரேயொரு போட்டியில் மட்டுமே வெற்றிபெற்று புள்ளி பட்டியலில் கடைசி இடத்தினை பிடித்துள்ளது. இப்போட்டியிலும் இங்கிலாந்து அணி தோல்வியடையும் பட்சத்தில், உலக கோப்பை தொடரிலிருந்து வெளியேறும் 2வது அணியாக இங்கிலாந்து இருக்கும்.
