இன்ஸ்டாகிராம் பாணியில் ஒருமுறை பார்த்ததும் மறையும் புகைப்படம், வீடியோ அனுப்ப வாட்ஸ்அப்பில் புதிய Zaps அம்சம் விரைவில் அறிமுகம்
செய்தி முன்னோட்டம்
உலகம் முழுவதும் கோடிக்கணக்கான பயனர்களை கொண்டுள்ள வாட்ஸ்அப் நிறுவனம், தனது செயலியில் தொடர்ந்து புதிய வசதிகளை அறிமுகப்படுத்தி வருகிறது. இதன் ஒரு பகுதியாக இன்ஸ்டாகிராமின் இன்ஸ்டன்ட்ஸ் (Instants) அம்சத்தைப் போலவே, ஒருமுறை பார்த்தவுடன் தானாக மறையும் புகைப்படங்கள் மற்றும் வீடியோக்களை பகிரும் 'ஸாப்ஸ்' (Zaps) என்ற புதிய வசதியை வாட்ஸ்அப் உருவாக்கி வருகிறது. ஆண்ட்ராய்டு பீட்டா பதிப்பு 2.26.46.2-ல் இந்த அம்சம் கண்டறியப்பட்டுள்ளதாக WABetaInfo தளம் தெரிவித்துள்ளது.
பாதுகாப்பு விவரங்கள்
மின்னல் ஐகான் கேமரா மற்றும் எண்ட்-டு-எண்ட் என்க்ரிப்ஷன் பாதுகாப்பு விவரங்கள்
புதிய ஸாப்ஸ் (Zaps) வசதியைப் பயன்படுத்துவதற்காக வாட்ஸ்அப் சாட்ஸ் திரையின் மேல் பகுதியில் மின்னல் (Lightning Bolt) வடிவிலான புதிய கேமரா ஐகான் வழங்கப்பட உள்ளது.
இதனை கிளிக் செய்து பயனர்கள் எவ்வித எடிட்டிங்கும் இல்லாமல் உடனடியாக புகைப்படங்கள் மற்றும் குறுகிய வீடியோக்களை படம்பிடித்து அனுப்ப முடியும்.
வாட்ஸ்அப்பின் மற்ற செய்திகளைப் போலவே இந்த Zaps பகிர்வுகளும் முழுமையான எண்ட்-டு-எண்ட் என்க்ரிப்ஷன் பாதுகாப்புடன் வருவதால், அனுப்புநரும் பெறுநரும் மட்டுமே இவற்றை பார்க்க முடியும்.
விரிவாக்க வசதி
வாட்ஸ்அப் குழுக்கள், தனிநபர்கள் மற்றும் சேனல்களுக்கும் பகிரும் விரிவாக்க வசதி
முன்னதாக பரஸ்பரத் தொடர்புகளுக்கு (Mutual Contacts) மட்டுமே இத்தகைய உடனடி புகைப்படங்களை அனுப்பும் வகையில் வாட்ஸ்அப் திட்டமிட்டிருந்தது.
ஆனால் தற்போது வெளியாகியுள்ள தகவல்களின்படி, சேமிக்கப்படாத எண்கள் உட்பட எந்தவொரு தனிநபருக்கும் வாட்ஸ்அப் குழுக்களுக்கும் (Groups) Zaps அனுப்பும் வகையில் இந்த அம்சம் விரிவுபடுத்தப்பட்டுள்ளது.
மேலும் எதிர்காலத்தில் வாட்ஸ்அப் சேனல்களிலும் இதனை பகிரும் வசதி அறிமுகப்படுத்தப்பட வாய்ப்புள்ளதாக தொழில்நுட்ப வட்டாரங்கள் தெரிவிக்கின்றன.
பீட்டா வெளியீடு
சாட் திரையில் ஒன்றிணைக்கும் வசதியும் பீட்டா வெளியீடு குறித்த தற்போதைய நிலையும்
ஒருவர் ஒரே நேரத்தில் பல Zaps அனுப்பினால் சாட் திரை நிரம்பாமல் இருக்க, அவை அனைத்தும் மொத்த எண்ணிக்கையுடன் ஒரே செய்தியாக ஒன்றிணைக்கப்படும்.
பெறுநர் அவற்றைத் திறந்து பார்த்தவுடன் மறைந்துவிடும் என்றாலும், எமோஜி ரியாக்ஷன் மற்றும் குறுஞ்செய்தி மூலம் பதிலளிக்க முடியும்.
தற்போது உருவாக்க நிலையில் உள்ள இந்த அம்சம் இன்னும் பீட்டா பயனர்களுக்குக் கூட வெளியிடப்படவில்லை என்பதால், அதிகாரப்பூர்வ வெளியீட்டுத் தேதி விரைவில் அறிவிக்கப்படும்.