இந்த ஆகஸ்ட் மாதம் வெளியாகவிருக்கும் புதிய ஸ்மார்ட்போன்கள்
ஷாவ்மி மிக்ஸ் ஃபோல்டு 3: சாம்சங்கின் ஃப்ளிப் ஸ்மார்ட்போன்களுக்குப் போட்டியாக, மிக்ஸ் ஃபோல்டு 3 போன்களை வெளியிடத் திட்டமிட்டிருக்கிறது ஷாவ்மி. இந்த ஸ்மார்ட்போனுக்கான கேமராவை உருவாக்க லெய்கா நிறுவனத்துடன் கைகோர்த்திருக்கிறது ஷாவ்மி. விவோ V29 சீரிஸ்: தங்களுடைய S17 சீரியை ரீபிராண்டு செய்து V29 சீரிஸாக வெளியிடத் திட்டமிட்டிருக்கிறது விவோ. இந்த சீரிஸின் கீழ் V29 மற்றும் V29 ப்ரோ ஆகிய இரண்டு ஸ்மார்ட்போன்களை வெளியிடவிருக்கிறது விவோ நிறவனம். இன்ஃபினிக்ஸ் GT 10 ப்ரோ: தங்களுடைய பவர்ஃபுல்லான ஸ்மார்ட்போனாக புதிய GT 10 ப்ரோவை அடுத்த சில நாட்களில் வெளியிடவிருக்கிறது இன்ஃபினிக்ஸ். மீடியாடெக் டைமன்சிட்டி 8050 சிப்செட் மற்றும் 108MP கேமரா ஆகிய அம்சங்களுடன் வெளியாகவிருக்கிறது இந்த ஸ்மார்ட்போன்.
ரியல்மி GT 5:
2023-ம் ஆண்டின் தங்களுடைய முதல் ஃப்ளாக்ஷிப் ஸ்மார்ட்போனாக இந்த GT 5வை வெளியிடத் திட்டமிட்டு வருகிறது ரியல்மி. குவால்காமின் ஃப்ளாக்ஷிப்பான ஸ்னாப்டிராகன் 8 ஜென் 2வைக் கொண்டு வெளியாகவிருக்கிறது இந்த புதிய போன். ரெட்மி 12 5G: தங்களது விலை குறைவான ஸ்மார்ட்போனாக, ஸ்னாப்டிராகன் 4 ஜென் 2 ப்ராசஸர், 5000mAh பேட்டரி, 90Hz ரெப்ரெஷ் ரேட் கொண்ட டிஸ்பிளே ஆகியவற்றுடன் வெளியாகவிருக்கிறது ரெட்மி 12 5G. ஒன்பிளஸ் ஓபன்: ஃபோல்டபிள் ஸ்மார்ட்போன் பிரிவில் புதிய அறிமுகமாக இருக்கப்போகிறது இந்த ஒன்பிளஸ் ஓபன். குவால்காமின் ஃப்ளாக்ஷிப் ப்ராசஸர், 2k AMOLED டிஸ்பிளே மற்றும் ட்ரிபிள் கேமரா செட்டப்புடன், ஆகஸ்ட் 29-ம் தேதி வெளியாகவிருக்கிறது இந்த புதிய ஒன்பிளஸ் ஓபன்.
