இந்த ஜூலை மாதம் இந்தியாவில் வெளியாகும் ஸ்மார்ட்போன்கள், பகுதி 1
செய்தி முன்னோட்டம்
இந்தியாவில் ஸ்மார்ட்போன்களை விற்பனை செய்து வரும் பல்வேறு முன்னணி ஸ்மார்ட்போன் நிறுவனங்கள், இந்த மாதம் தங்களது புதிய ஸ்மார்ட்போன்களை அறிமுகப்படுத்த இருக்கின்றன. இந்த மாதம் என்னென்ன ஸ்மார்ட்போன்கள் வெளியாகிறது தெரியுமா?
சாம்சங் ஃபிளிப் மற்றும் ஃபோல்டு:
தங்களது ஃபிளப் மற்றும் ஃபோல்டு ஃப்ளாக்ஷிப் மாடல்களான Z ஃபிளிப் 5 மற்றும் Z ஃபோல்டு 5 ஆகிய ஸ்மார்ட்போன்களை இந்த மாத இறுதியில் தங்களது அன்பேக்டு நிகழ்வில் வெளியிடவிருக்கிறது சாம்சங்.
மோட்டோரோலா ரேசர் 40 சீரிஸ்:
ரேசர் 40 மற்றும் ரேசர் 40 அல்ட்ரா ஆகிய இரு ஃபிளிப் ஸ்மார்ட்போன்களை இந்தியாவில் வரும் ஜூலை-3ம் தேதி வெளியிடவிருக்கிறது மோட்டோரோலா. இந்த போன்களே இந்தியாவில் அந்நிறுவனத்தின் ஃப்ளாக்ஷிப் மாடல்களாகவும் வெளியாக இருக்கின்றன.
ஸ்மார்ட்போன்
நத்திங் போன் (2):
கடந்தாண்டு புதுவிதமான டிசைன் ஸ்மார்ட்போன் சந்தையில் எண்ட்ரி கொடுத்த நத்திங் நிறுவனம், இந்தாண்டு தங்களுடைய ஃப்ளாக்ஷிப் ஸ்மார்ட்போனை இந்திய சந்தையில் களமிறக்கவிருக்கிறது. குவால்காமின் ப்ரீமியம் ப்ராசஸரோடு ஜூலை 11-ம் தேதி வெளியாகிறது நத்திங் போன் (2).
சாம்சங் கேலக்ஸி M34 5G:
கேலக்ஸி M34 என்ற தங்களுடைய மிட்ரேஞ்சு ஸ்மார்ட்போனை ஜூலை 7-ம் தேதி இந்தியாவில் அறிமுகப்படுத்தவிருக்கிறது சாம்சங். பெரிய பேட்டரி, AMOLED டிஸ்பிளே மற்றும் 50MP கேமரா ஆகிய அம்சங்களுடன் வெளியாகிறது M34.
டெக்னோ கேமன் 20 ப்ரீமியர்:
கடந்த மாதம் கேமன் 20 மற்றும் கேமன் 20 ப்ரோ ஆகிய ஸ்மார்ட்போன்கள் இந்தியாவில் வெளியான நிலையில், அதன் டாப்-எண்டு மாடலான 20 ப்ரீமியர் இந்த மாதம் வெளியாவிருக்கிறது.