5-வது நாளாக தங்கம் விலை சரிவு! மகிழ்ச்சியில் இல்லத்தரசிகள்
செய்தி முன்னோட்டம்
தங்கம் விலையானது அடிக்கடி சரிவு மற்றும் ஏற்றத்தை கண்டு வருகிறது. ரஷ்யா, உக்ரைன் ஆகிய நாடுகளுக்கு இடையே ஏற்பட்ட போர் காரணமாக, கடந்த ஆண்டு பல நாடுகளின் பொருளாதாரம் பாதிக்கப்பட்டது. இதனால் ஏற்ற இறக்கத்துடன் காணப்பட்ட தங்கம், வெள்ளி விலை, கடந்த சில நாட்களுக்கு மிகவும் குறைந்த விலைக்கு சரிந்தது. அதன் பின்னர் பட்ஜெட் தாக்கலுக்கு பின் மள மளவென தங்கம் விலை உயரத்தொடங்கியது. தங்கம் விலை சரிவு இந்நிலையில், இன்று(பிப்15) 5-வது நாளாக தங்கம் விலை குறைந்துள்ளது. பட்ஜெட் தாக்கலுக்கு பிறகு, தங்கத்தின் விலை அதிரடியாக ரூ. 45 ஆயிரத்தை தாண்டியதால் வாடிக்கையாளர்கள் அதிர்ச்சியடைந்தனர்.
தங்கம் விலை
தங்கம் மற்றும் வெள்ளி விலை தொடர்ந்து 5வது நாளில் சற்று சரிவு
அவர்களுக்கு ஆறுதல் அளிக்கும் விதமாக கடந்த 5 நாட்களாக தங்கம் விலை இன்று குறைந்துள்ளது. விலை தொடர்ந்து சரிந்துவருவது நகைப்பிரியர்களுக்கும், நடுத்தரக் குடும்பத்தினருக்கும் மகிழ்ச்சியை ஏற்படுத்தியுள்ளது. அந்த வகையில், 22 காரட் ஆபரணத் தங்கம் கிராம் ஒன்றுக்கு ரூ.15 குறைந்து 5,315 ரூபாய்க்கும், சவரன் ஒன்றுக்கு 120 ரூபாய் வரை குறைந்து 42,520 ரூபாய்க்கும் விற்பனையாகிறது. வெள்ளி விலை கிராமுக்கு 50 காசுகள் குறைந்து 72 ரூபாய்க்கும், 1 கிலோ வெள்ளி 72,000 ரூபாய்க்கும் விற்பனை செய்யப்படுகிறது. மேலும், அமெரிக்காவின் ஜனவரி மாத சில்லறைப் பணவீக்க விவரங்கள் நேற்று வெளியாகின. இதில் பணவீக்கம் அளவு உயர்ந்துள்ளதால், அடுத்துவரும் கூட்டத்தில் பெடரல் ரிசர்வ் வட்டிவீதத்தை உயர்த்தும் என்பது உறுதியாகியுள்ளது.